მსოფლიო

ირანი რისკავს მთელი რეგიონი ცეცხლის ალში გახვიოს - ოლაფ შოლცი

გერმანიის კანცლერმა ოლაფ შოლცმა მოუწოდა ირანს და “ჰეზბოლას” დაუყოვნებლივ შეწყვიტონ თავდასხმები ისრაელზე და გააფრთხილა, რომ ირანი საფრთხეს ქმნის მთელ რეგიონი ცეცხლში გახვიოს.

"ირანი რისკავს მთელი რეგიონი ცეცხლის ალში გახვიოს - ეს უნდა აღიკვეთოს ნებისმიერ ფასად. ჰეზბოლამ და ირანმა დაუყოვნებლივ უნდა შეაჩერონ თავდასხმები ისრაელზე," - განაცხადა შოლცმა.

მისი თქმით, გერმანია გააგრძელებს პარტნიორებთან მუშაობას ცეცხლის შეწყვეტის მიზნით.

ირანმა ისრაელზე სარაკეტო თავდასხმა 1-ელ ოქტომბერს დაიწყო. ისრაელის თავდაცვის ძალების განცხადებით, ირანიდან 200-მდე რაკეტა იქნა გასროლილი, რომელთა უმეტესი ნაწილი გაანეიტრალეს.

დასავლეთ სანაპიროზე დაბომბვისას ერთი პალესტინელი დაიღუპა, ასევე დაზიანდა სკოლა ცენტრალურ ისრაელში და რესტორანი თელ ავივში.

ისრაელის პრემიერ-მინისტრმა ბენიამინ ნეთანიაჰუმ ირანის თავდასხმას "დიდი შეცდომა" უწოდა და პირობა დადო, რომ ირანი ამის საფასურს გადაიხდის.