მსოფლიო

ისრაელში მომხდარი სროლისას საქართველოს ერთი მოქალაქე დაიღუპა - საგარეო უწყება

ისრაელში, ქალაქ იაფაში მომხდარი სროლისას საქართველოს ერთი მოქალაქე დაიღუპა. ამის შესახებ ინფორმაცია რადიო თავისუფლებას დაუდასტურეს.

უწყების ცნობით, იგი კლინიკაში გარდაიცვალა. ადგილზე ჩავიდა კონსული.

სამინისტროში ასევე ამბობენ, რომ მიმდინარეობს დაჭრილების შესახებ ინფორმაციის ოფიციალური არხებით გადამოწმება.

1 ოქტომბერს ძველ ქალაქ იაფაში, რომელიც თელ-ავივთან არის გაერთიანებული, უცნობებმა ავტომატური ცეცხლსასროლი იარაღიდან ცეცხლი გაუხსნეს გამვლელებს.

The Jerusalem Post-ის ხელთ არსებული ბოლო მონაცემებით, დაიღუპა ექვსი ადამიანი, სულ მცირე, ცხრა დაიჭრა, მათგან ოთხი ადამიანის მდგომარეობა კრიტიკულია.

ისრაელის მედიის ცნობით, სროლა ატეხა ორმა თავდამსხმელმა, რომლებიც სამართალდამცველებმა მოკლეს.

წყარო: რადიო თავისუფლება