22.11.2024 15:35
დარეგისტრირდი საქართველოს ბანკის სასკოლო ოლიმპიადაზე STEM მიმართულებით
22.11.2024 15:08
პირველი დეკემბრიდან გზის ცალკეულ მონაკვეთებზე სატრანსპორტო საშუალების ზამთრის საბურავებით აღჭურვა სავალდებულოა
22.11.2024 14:52
პოლიციელებზე თავდასხმაში ბრალდებულ 20 წლის მათე დევიძეს აღკვეთის ღონისძიების სახით პატიმრობა შეეფარდა

რეგიონები

ქუთაისში დევნილებმა ბინების გადანაწილების პრინციპი გააპროტესტეს

დღეს ქუთაისში დევნილთა სამინისტროს იმერეთის, რაჭა-ლეჩხუმისა და ქვემო სვანეთის სამმართველოსთან იძულებით გადაადგილებულმა პირებმა აქცია გამართეს. დევნილებმა ბინების გადანაწილების პრინციპი გააპროტესტეს. მათი თქმით, მათ ბინის მისაღებად საკმარისი ქულები დააგროვეს, თუმცა საბოლოო ჯამში საცხოვრებელი სახლი არ ერგოთ. დევნილებმა მინისტრთან შეხვედრა მოითხოვეს.

რუსთავი 2-ის ინფორმაციით, აქციის ერთ-ერთმა მონაწილე ქალმა ბენზინი გადაისხა, თუმცა მას ცეცხლის მოკიდების საშუალება არ მისცეს.

დევნილთა მინისტრის პირველი მოადგილის, გრიგოლ გიორგაძის ინფორმაციით, ბინის მიღების სურვილი 4000 დევნილმა გამოთქვა, მაგრამ ამ ეტაპზე უწყება მხოლოდ 429 ადამიანს დაუკმაყოფილებს მოთხოვნას.

გიორგაძემ აღნიშნა, რომ იმ დევნილებს, ვისაც პრეტენზია აქვს ბინების გადანაწილებაზე, კომისია სათითაოდ შეხვდება.

ანა მებურიშვილი