უკან

საზოგადოება

10 მარტი, 2017 14:40
font-size

საარჩევნო პერიოდში ყველაზე მეტი შემოსავალი „ქართულმა ოცნებამ “ მიიღო

არასამთავრობო ორგანიზაცია „საერთაშორისო გამჭვირვალობა- საქართველომ“ 2016 წლის საპარლამენტო არჩევნების საარჩევნო კამპანიის დაფინანსების შესახებ ანგარიში წარადგინა. მონაცემები ეხება დაფინასების წყაროებს, პარტიების შემოსავალსა და დანახარჯებს, დეკლარაციების შევსებისას დაშვებულ დარღვევებსა და სხვა მიგნებებს.

ანგარიში მოიცავს 2016 წლის 8 ივნისიდან 16 ნოემბრამდე პერიოდს.

მიღებული მონაცემების თანახმად, საარჩევნო პერიოდში კვალიფიციური საარჩევნო სუბიექტებიდან ყველაზე მეტი შემოსავალი „ქართულმა ოცნებამ “ მიიღო, რაც 21 310 211 ლარს შეადგენს. ეს თანხა შვიდჯერ აღემატება საპარლამენტო არჩევნებზე მეორე ადგილზე გასული ფრაქცია „ნაციონალური მოძრაობის“ შემოსავალს (2 811 045 ლარს).

ჯამში კვალიფიციურმა საარჩევნო სუბიექტებმა სულ 32 მლნ ლარამდე შემოსავალი მიიღეს, აქედან „ქართული ოცნების“ წილი 66 %-ს შეადგენს. ანგარიშის თანახმად, პარტიების შემოსავლებს შორის ამხელა სხვაობა 2010 წლის შემდეგ არ დაფიქსირებულა.

შემოწირულობების მხრივაც „ქართული ოცნება“ ლიდერობს. კვალიფიციურ საარჩევნო სუბიექტებზე გაღებული 21 726 165 ლარის შემოწირულობებიდან 19 183 489 ლარი (86%) საპარლამენტო უმრავლესობაზე მოდის, რაც 19-ჯერ აღემატება მეორე ადგილზე გასული „საქართველოს პატრიოტთა ალიანსის“ მიერ მიღებულ შემოწირულობებს ( 998 001 ლარი) და 6-ჯერ მეტია ყველა კვალიფიციური სუბიექტის ჯამურ შემოწირულებებზე. ანგარიშის მიხედვით, მმართველი პარტიისა და დანარჩენების შემოწირულებებს შორის ამხელა სხვაობა საქართველოს საარჩევნო ისტორიისთვის უპრეცენდენტო.

მონაცემების მიხედვით, მთლიანი შემოწირულებების 85% 1 233-მა ფიზიკურმა პირმა გაიღო, ხოლო დანარჩენი 15% - 65-მა იურიდიულმა პირმა. ორგანიზაციაში ყურადღებას ამახვილებენ 8 თანამდებობის პირის შემოწირულობაზე. ანგარიშის ავტორების თქმით, ზოგიერთი ყოფილი თუ ამჟამინდელი პარლამენტარის მიერ გაღებული თანხა აღემატება მათ წლიურ შემოსავალს ან მის დიდ ნაწილს შეადგენს.

ანგარიშში მოყვანილია ზვიად კვაჭანტირაძის, ზაზა პაპუაშვილის, ფატი ხალვაშისა და ზურაბ აბაშიძის მაგალითები.

„საერთაშორისო გამჭვირვალობა -საქართველოს“ შეფასებით, შემოსავლების მსგავსად დისპროპორციაა ხარჯებშიც. საარჩევნო პერიოდში 9 კვალიფიციური სუბიექტის მიერ გაწეული 31 618 225 ლარიდან 22 291 484 ლარი (70%) „ქართულ ოცნებაზე“ მოდის, რვა-ნახევარჯერ აღემატება მეორე ადგილზე გასული „ერთიანი ნაციონალური მოძრაობის“ ხარჯებს (2 613 102 ლარი) და თითქმის ორ-ნახევარჯერ აღემატება სხვა კვალიფიციური პარტიების ერთად აღებულ ხარჯებს.

ანგარიშში ყურადღებას ამახვილებენ სახელმწიფო აუდიტის სამსახურის გამჭვირვალე მუშაობაზე, თუმცა აღნიშნავენ, რომ დეკლარაციების უმრავლესობა არასრულად და არაერთგვაროვნად არის შევსებული, ხოლო ანგარიშგებების ბევრ ველში სავალდებულო ინფორმაცია საერთოდ არ არის მითითებული.

რეკომენდაციების მიხედვით, უნდა შეიცვალოს უფასო სარეკლამო დროის პოლიტიკურ პარტიებზე გადანაწილების წესი, დასახვეწია პარტიების სახელმწიფო დაფინანსების წესი, ასევე ფინასური ანგარიშგების სრულ შევსებაზე მუშაობა, რაც მოიცავს დეკლარაციების შინაარსის ჩაღრმავებას. რეკომენდაციებში შედის შემოწირულობების იდენტიფიცირების წესისა და სასამართლოს მიდგომის გამკაცრება უკანონო შემოწირულობებთან დაკავშირებული საკითხების განხილვის დროს.

ანა მებურიშვილი

1 აშშ დოლარის ოფიციალური ღირებულება 3.3190 ლარი გახდა

4 მარტი, 2021 , 17:15

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 3.3190 ლარი შეადგინა. კურსი, რომელიც დღეს მოქმედებდა, 3.3252 ლარი იყო. შესაბამისად, დოლარის ცვლილებამ ეროვნულ

N3 დაწესებულებაში მსჯავრდებულმა თანამესაკნეს მძიმე დაზიანებები მიაყენა – პენიტენციური სამსახური

4 მარტი, 2021 , 16:49

N3 პენიტენციურ დაწესებულებაში მსჯავრდებულმა თანამესაკნეს მძიმე დაზიანებები მიაყენა. ამის შესახებ აღნიშნულია სპეციალური პენიტენციური სამსახურის ინფორმაციაში. მათივე ინფორმაციით, დღეს დაახლოებით 10:11 საათზე N3 პენიტენციურ

„თავისუფლება გავრილოვის პირად პატიმარს“ - რუსთავის პენიტენციურ დაწესებულებასთან ნიკა მელიას მხარდამჭერ აქცია მიმდინარეობს

4 მარტი, 2021 , 16:00

წარმომადგენლები რუსთავის პენიტენციურ დაწესებულებასთან ნიკა მელიას მხარდამჭერ აქციას მართავენ. „ნაციონალური მოძრაობის“ წევრებმა და მხარდამჭერებმა თბილისიდან რუსთავამდე ავტოკოლონებით მსვლელობა მოაწყვეს და ამ ფო

ვიქტორ ჯაფარიძის ოჯახმა და მისმა ბიზნესპარტნიორებმა “ოცნებას” 2012 წლიდან 410 000 ლარი შესწირეს - „საერთაშორისო გამჭვირვალობა“

4 მარტი, 2021 , 14:50

თანამდებობის პირებთან დაკავშირებული კომპანიები მესტიაში სახელმწიფო პროგრამიდან სუბსიდიას იღებენ. აღნიშნულთან დაკავშირებით ინფორმაციას „საერთაშორისო გამჭვირვალობა საქართველო“ ავრცელებს. ორგანიზაციის ინფორ

პირველკლასელთა რეგისტრაცია იწყება

4 მარტი, 2021 , 14:50

საქართველოს განათლების, მეცნიერების, კულტურისა და სპორტის სამინისტრომ პირველკლასელთა რეგისტრაციისთვის ვადები განსაზღვრა. რეგისტრაციის ვადებისა და ეტაპების შესახებ, საქართველოს განათლების, მეცნიერების, კულტურისა და სპორტი

პროექტია:ქვეყანა თმობს არა უბრალოდ უდიდეს ტერიტორიას, არამედ სტრატეგიულ ხეობას - თემურ შაშიაშვილი

4 მარტი, 2021 , 14:50

ქუთაისის ყოფილი გუბერნატორი თემურ შაშიაშვილი მეცნიერთა კონგრესის წევრებთან და ეკოლოგებთან ერთად აქტიურად არის ჩართული რიონის ხეობის გადარჩენისთვის ბრძოლაში. ის მწავავე შეფასებას აძლევს ნამაჰვანჰესის მშენებლობაში საქართვე