რეგიონები

სამეგრელოში მომუშავე ადვოკატებმა დავით ასათიანს მხარდაჭერა გამოუცხადეს

ზუგდიდში ადვოკატებმა დავით ასათიანის მხარდასაჭერი განცხადება გააკეთეს.

მათი განცხადებით, სამეგრელოს რეგიონში მომუშავე ადვოკატების უმრავლესობამ სწორედ ასათიანს დაუჭირა მხარი და საკუთარ ხმებს საჭიროების შემთხვევაში, სამართებლივი გზებით დაიცავენ.

„ჩვენ ველოდებოდით, რომ გამარჯვებულ კანდიდატს ღირსეულად მიულოცავდნენ, მაგრამ ასე არ მოხდა. ადამიანების გარკვეულ ჯგუფს სურს, რომ დააქუცმაცოს ადვოკატთა ასოციაცია, რაც არამარტო ჩვენ, არამედ სამოქალაქო საზოგადოებასაც დააზარალებს. დავით ასათიანმა დამაჯერებელი გამარჯვება მოიპოვა“, - აღნიშნა ადვოკატმა დარეჯან თორდიამ.

ცნობისათვის, ადვოკატთა ასოციაციის თავმჯდომარის არჩევნებში ადვოკატთა ასოციაციის თავმჯდომარეობისთვის 12 კანდიდატი იბრძოდა. აქედან, დავით ასათიანმა ყველაზე მეტი 1128 ხმა მიიღო.