უკან

უახლესი ამბები

დღის კალენდარი

ანონსები

არქივი

საზოგადოება

22 დეკემბერი, 2016 12:40
font-size

„შვილად აყვანისა და მინდობით აღზრდის შესახებ“ კანონში ცვლილებები შედის

ადამიანის უფლებათა დაცვისა და სამოქალაქო ინტეგრაციის კომიტეტმა პირველი მოსმენისთვის განიხილა პარლამენტის წევრების დიმიტრი ხუნდაძის და მირიან წიკლაურის მიერ საკანონმდებლო ინიციატივის წესით წარმოდგენილი კანონპროექტი „შვილად აყვანისა და მინდობით აღზრდის შესახებ“ და თანმდევი კანონპროექტები.

კანონპრპექტის ერთ-ერთი ავტორის, მირიან წიკლაურის განმარტებით, ნორმატიული აქტის მიღების შემთხვევაში, ის იქნება ერთ-ერთი უმნიშვნელოვანესი კანონი ბავშვზე ზრუნვის საქმეში.

,,ბავშვი უნდა იზრდებოდეს ბიულოგიურ ოჯახში, თუ ეს შესაძლებელია და თუ ეს შესაძლებელი არ არის, შემოდის მზრუნველობა მეურვეობა, მინდობით აღზრდა და შემდეგ გაშვილება.

ვფიქრობ, რომ გარკვეული მუხლებით ნასამართლევ პირებს არ უნდა ჰქონდეთ ბავშვის აყვანის უფლება იმ შემთხევვაშიც კი, თუ ნასამართლეობა მოხსნილი აქვთ’’, - აღნიშნა კანონპროექტის თანამომხსენებელმა ჟურნალისტებთან საუბრისას.

„შვილად აყვანისა და მინდობით აღზრდის შესახებ“ კანონპროექტის მიხედვით, შვილად აყვანისა და მინდობით აღზრდის სფეროში გათვალისწინებულია მთელი რიგი ცვლილებები, მათ შორის:

პრინციპების დონეზე ხდება გასაშვილებელი და მინდობით აღზრდას დაქვემდებარებული ბავშვისთვის უპირატესი გარემოს განსაზღვრა და აღიარება, როგორიცაა: ბავშვის ბიოლოგიურ ოჯახში აღზრდა, მეურვეობა/მზრუნველობა, შვილად აყვანა, მინდობით აღზრდა.

კანონის მოქმედი რედაქცია ვრცელდება საქართველოს მოქალაქეზე, საქართველოში სტატუსის მქონე მოქალაქეობის არმქონე პირსა და უცხო ქვეყნის მოქალაქეზე. წარმოდგენილი პროექტით კი, კანონის სუბიექტთა წრე დაჯგუფებულია მუდმივად ცხოვრების ნიშნით.

ახალ კატეგორიად განისაზღვრა განსაკუთრებული საჭიროების მქონე ბავშვი, რაც გულისხმობს შეზღუდული შესაძლებლობის სტატუსის ან ჯანმრთელობის ან ქცევითი პრობლემების მქონე ბავშვებს, რომელთაც ესაჭიროებათ სპეციფიური ზრუნვა და აღზრდა, რაც თავის მხრივ, მოითხოვს შესაბამისი წესით გადამზადებული მშვილებელი ან მინდობით აღმზრდელი ოჯახების შერჩევას.

სავალდებულო მოთხოვნად განისაზღვრა შვილად აყვანის მსურველი და მინდობით აღზრდის მსურველი პირებისთვის მშვილებელთა ან მინდობით აღმზრდელთა მიერ სავალდებულო მოსამზადებელი კურსის გავლა - სერტიფიცირება, რაც წარმოადგენს შვილად აყვანის მსურველი პირების გასაშვილებელ ბავშვთა და მშვილებელთა ერთიანი რეესტრში აღრიცხვის ერთ-ერთ საფუძველს.

მოქმედი კანონმდებლობით დადგენილია მშვილებელსა და გასაშვილებელ ბავშვს შორის ასაკობრივი სხვაობა, რომელიც არ უნდა იყოს 16 წელზე ნაკლები. კანონპროექტით მოხდა მშვილებელსა და გასაშვილებელ ბავშვს შორის მაქსიმალური ასაკობრივი სხვაობის დადგენაც, კერძოდ, 10 წლამდე ბავშვის გაშვილების შემთხვევაში, მშვილებელსა და გასაშვილებელ ბავშვს შორის ასაკობრივი სხვაობა არ უნდა იყოს 45 წელზე მეტი. გამონაკლის შემთხვევებში, მაქსიმალური სხვაობა 7 წლიდან 10 წლამდე ასაკის ბავშვის გაშვილების დროს, შესაძლებელია იყოს 45 წელზე მეტი, თუ ეს შესაბამება მის ინტერესებს.

სავალდებულო ხდება საქართველოში მუდმივად მცხოვრების მშვილებლების (მშვილებლის) სოციალურად დაუცველი ოჯახების მონაცემთა ერთიან ბაზაში რეგისტრაცია, რაც თავის მხრივ ასახავს ჯახების სოციალურ-ეკონომიკური მდგომარეობის მაჩვენებელს და ადასტურებს მითითებული პირების საქართველოს ტერიტორიაზე მუდმივად ცხოვრების ფაქტს.

საქართველოში მუდმივად მცხოვრები პირებისთვის, რომელთაც სურთ ბავშვის შვილად აყვანა მკაცრდება ნასამართლობასთან დაკავშირებული პირობები.

კერძოდ, პირი ვერ იქნება მშვილებელი, თუ იგი ნასამართლევია კანონპროექტში გასაზღვრული სისხლის სამართლის კოდექსის გარკვეული მუხლებით, მიუხედავად იმისა მოხსნილი ან გაქარწყლებული აქვს თუ არა ნასამართლობა. აღნიშნულ ცვლილებით წესდება ბავშვის უფლებების დაცვის, მისი ოჯახში სრულფასოვნად აღზრდის მაღალი სტანდარტი, რაც თავის მხრივ, ამცირებს ბავშვის არასათანადო პირობებში მოხვედრის რისკებს.

საერთაშორისო შვილად აყვანის პროცესის განხორციელებისას, საერთაშორისო შვილად აყვანის კომპეტენტურ ორგანოებს უწესდებათ ვალდებულება დააკმაყოფილონ რიგი მოთხოვნები (კრიტერიუმები);

საქართველოს პარლამენტის ინფორმაციით, კანონპროექტის მიზანია ისეთი რეგულაციების განხორციელება, რაც ხელს შეუწყობს უფლებამოსილი ორგანოების მიერ გასაშვილებელი ბავშვისთვის სტაბილურ ოჯახურ გარემოში განთავსებისა და ინდივიდუალურ საჭიროებებზე მორგებული ზრუნვის შეთავაზების მიმართულებით სათანადოდ მომზადებულ და შერჩეულ მშვილებელ ოჯახში გადაყვანას.

კომიტეტის წევრებმა მხარი დაუჭირეს „შვილად აყვანისა და მინდობით აღზრდის შესახებ“ კანონპროექტისა და მისი თანმდევი კანონპროექტების პლენარულ სხდომაზე განხილვას.

ნინო ექვთიმიშვილი

ძალიან მაღალი ალბათობით გვაქვს შიდა გავრცელების პრეცედენტი - ამირან გამყრელიძე

28 მარტი, 2020 , 18:50

ძალიან მაღალი ალბათობით გვაქვს შიდა გავრცელების პრეცედენტი, – ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ საქართველოს პირველ არხს განუცხადა. როგორც ამირან გამყრელიძემ აღნიშ

ევროპის მიმართულებით დადგენილ ფრენებს 3 აპრილს ბერლინის მიმართულება დაემატა

28 მარტი, 2020 , 16:05

ევროპის სხვადასხვა ქალაქიდან თბილისის მიმართულებით დადგენილ ფრენებს ბერლინის მიმართულება დაემატა. ამის შესახებ „მედიანიუსს“ საგარეო საქმეთა სამინისტროდან აცნობეს. მათივე ინფორმაციით, ბერლინი-თბილისის რეისი 3

აშშ საქართველოს ჯანდაცვის სფეროს დასახმარებლად 1.1 მილიონ დოლარს გადასცემს

28 მარტი, 2020 , 16:05

ამერიკის შეერთებული შტატები ჯანდაცვის სფეროს დასახმარებლად საქართველოს 1.1 მილიონ დოლარს გადასცემს. ინფორმაციას ამის შესახებ საქართველოში აშშ-ს საელჩო ავრცელებს. მათი ცნობით, დაფინანსდება ლაბორატორიული სისტემების მომზადე

გიორგი გახარია სწრაფ ტესტებზე ოპოზიციის შეთავაზებაზე - თუ ვინმეს რაიმეს თავი აქვს და შეუძლია, ჩვენს ქვეყანას და მოქალაქეებს მიეხმაროს, მივიდნენ, იქ სადაც მოქალაქეებს დახმარება სჭირდებათ, ტელევიზორიდან პოლიტიკური კეკლუცობის ნაცვლად

28 მარტი, 2020 , 15:25

თუ ვინმეს რაიმეს თავი აქვს და შეუძლია, ჩვენს ქვეყანას და მოქალაქეებს მიეხმაროს, მივიდეს იქ, სადაც მოქალაქეებს დახმარება სჭირდებათ, განსაკუთრებით 60 წელს გადაცილებულ და ქრონიკული დაავადებების მქონე პირებს და იქ დაგვეხმარო

მომსახურების განხორციელების შეწყვეტასთან ერთად, სამინისტრო სტომატოლოგიურ კლინიკებს რეკომენდაციით მიმართავს

28 მარტი, 2020 , 15:00

ჯანდაცვის სამინისტრო სტომატოლოგიური სერვისის მიმწოდებელ დაწესებულებებს რეკომენდაციით მიმართავს, 2020 წლის 1-ელ მაისამდე გეგმური სტომატოლოგიური მომსახურება არ განახორციელონ. როგორც ჯანდაცვისა სამინისტროს ვებგვერდზე გავრცე

საუნივერსიტეტო კლინიკაში მოთავსებული სამი ახალშობილიდან კორონავირუსი არც ერთს არ დაუდასტურდა - ლევან რატიანი

28 მარტი, 2020 , 15:00

თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის, ლევან რატიანის ინფორმაციით, კლინიკაში მოთავსებული სამი ახალშობილიდან კორონავირუსი არც ერთს არ დაუდასტურდა. როგორც ლევან რატიანმა აღ