უკან

უახლესი ამბები

დღის კალენდარი

ანონსები

არქივი

კონფლიქტის ზონა

8 ივნისი, 2017 17:05
font-size

სუს-ის მონაცემით აფხაზეთის გამყოფ ხაზზე 193 დაკავება დაფიქსირდა, თუმცა, ეს მონაცემი რეალური რაოდენობის მხოლოდ 5-10%-ია - ომბუდსმენის ანგარიში

სახალხო დამცველმა „კონფლიქტით დაზარალებული მოსახლეობის უფლებრივი მდგომარეობის შესახებ“ სპეციალური ანგარიშის პრეზენტაცია გამართა, სადაც გამყოფი ხაზის სოფლებსა და ოკუპირებულ ტერიტორიებზე შექმნილი სოციალური მდგომარეობა და უსაფრთხოების საკითხები მიმოიხილა.

გარდა ამისა, უჩა ნანუაშვილმა,წარმოადგინა კონფლიქტით დაზარალებული მოსახლეობის უფლებრივი მდგომაროების გაუმჯობესებისკენ მიმართული რეკომენდაციები.

წარმოდგენილი ანგარიშის მიხედვით, 2016 წელს ოკუპირებულ და აგრეთვე საქართველოს კონტროლირებად ტერიტორიებზე მკვლელობების, დაკავებების და გაუჩინარების ფაქტები დაფიქსირდა.

„ხურჩა-ნაბაკევის გამშვებ პუნქტზე აფხაზი ე.წ. მესაზღვრე საქართველოს კონტროლირებად ტერიტორიაზე დაეწია და მოკლა მოქალაქე გ.ო., დღემდე უგზოუკვლოდ დაკარგულად ითვლება გორის მუნიციპალიტეტის სოფელ ქორდში, გამყოფი ხაზზე გაუჩინარებული მოქალაქე ნ.ს.. ამ შემთხვევების ირგვლივ გამართული ამაო მოლაპარაკებები ნათლად წარმოაჩენს მხარეთა შორის რეალური თანამშრომლობის არარსებობას, რაც აჭიანურებს გამოძიებას და აფერხებს სიმართლის დადგენას“,-ნათქვამია ანგარიშში.

ომბუდსმენი აღნიშნავს, რომ ადგილობრივთა რეგულარული დაკავებები კვლავ შემაშფოთებელია.

„2016 წელს შიდა ქართლის გამყოფ ხაზზე დაკავებულთა რაოდენობა 134-ს შეადგენდა, მათ შორის 14 ქალი და 8 არასრულწლოვანია. 2016 წელს დაკავებულ მოქალაქე გ.გ.-ს 20 წლიანი პატიმრობა მიუსაჯა ცხინვალის დე ფაქტო სასამართლომ. ჯამში, 2011-2016 წლებში შიდა ქართლის გამყოფ ხაზზე დაკავებულთა საერთო რაოდენობა კი 826 შეადგენს.

აფხაზეთის გამყოფ ხაზზე დაკავებულთა ზუსტი ოდენობა უცნობია. საქართველოს სახელმწიფო უსაფრთხოების სამსახურის მონაცემებით, 2016 წელს მათ 193 დაკავების შემთხვევა დააფიქსირეს, მათ შორის 18 ქალის და 13 არასრულწლოვნის. თუმცა, ეს მონაცემი დაკავებულთა რეალური რაოდენობის მხოლოდ 5-10%-ია. რუსეთის სასაზღვრო ძალების ცნობით, 2009-2016 წლებში აფხაზეთის გამყოფ ხაზზე მათ 14 000 პირი დააკავეს.

მიუხედავად მთავრობის მიერ განხორციელებული მნიშვნელოვანი სოციალური და ინფრასტრუქტურული პროექტებისა, სამეგრელოს და შიდა ქართლის რეგიონების გამყოფი ხაზის სოფლების მოსახლეობა ჯერ ისევ მწვავედ განიცდის ომისგან მიყენებულ ზიანს. მთავარ პრობლემად შემოსავლის წყაროს მოძიება რჩება.

მოუგვარებელი კონფლიქტი და ჰუმანიტარული საკითხების პოლიტიზება განსაკუთრებულად მძიმე გავლენას ახდენს არასრულწლოვნებზე. შემაშფოთებელია აფხაზეთის გამყოფ ხაზზე ბავშვების, მათ შორის ჩვილების და მათი მშობლების დაკავების ფაქტები. 2016 წელს სახალხო დამცველისთვის ცნობილი გახდა არაერთი შემთხვევა, რომლის დროსაც რუსეთის ფედერაციის სამხედრო ბაზებზე ადგილი ჰქონდა დაკავებულების მიმართ არასათანადო და ღირსების შემლახავ მოპყრობას, მათ შორის, სიტყვიერ შეურაცხყოფას, საკვებისა და სასმელი წყლის შეზღუდვის ფაქტებს.

მისასალმებელია, რომ 2016 წელს შესაძლებელი გახდა შეთანხმება 18 პატიმრის გასათავისუფლებლად. 4 პირი გაათავისუფლა ქართულმა მხარემ, 10 სოხუმის და 4 ცხინვალის დე ფაქტო ხელისუფლებებმა. ამ საკითხს სახალხო დამცველი 2014 წლიდან აყენებდა და შესაბამისად, დადებითად შეაფასა საქართველოს და დე ფაქტო ხელისუფლებებს შორის დაწყებული დიალოგი.

2016 წელს ასევე დადებითი მოვლენა იყო 4 წლიანი პაუზის შემდეგ გალში ინციდენტების პრევენციისა და მათზე რეაგირების მექანიზმის შეხვედრების აღდგენა. თუმცა, გადაუჭრელ პრობლემად რჩება ოკუპირებულ ტერიტორიებზე ადამიანის უფლებათა საერთაშორისო სადამკვირვებლო ორგანიზაციების შესვლასთან დაკავშირებით წარმოქმნილი დაბრკოლებები. ასევე მცირეა იმ საერთაშორისო დონორი თუ არასამთავრობო ორგანიზაციების რიცხვი, რომლებიც გააძლიერებდნენ აფხაზურ და ოსურ სამოქალაქო საზოგადოებას. ყოველივე ეს უარყოფითად აისახება კონფლიქტურ რეგიონებში მცხოვრები მოსახლეობის უფლებებზე.

მიუხედავად იმისა, რომ საქართველოს ხელისუფლება ვერ აკონტროლებს აფხაზეთსა და ე.წ. სამხრეთ ოსეთს, მას აკისრია პოზიტიური ვალდებულება, პოლიტიკური, სამართლებრივი თუ დიპლომატიური გზით, ზემოქმედება მოახდინოს იქ მაცხოვრებელი მოსახლეობის უფლებრივ მდგომარეობაზე.

შესაბამისად, საქართველოს სახალხო დამცველი მიიჩნევს, რომ მთავრობის პოლიტიკა მაქსიმალურად უნდა უწყობდეს ხელს ოკუპირებულ ტერიტორიებსა და გამყოფი ხაზის მიმდებარედ მცხოვრები ადგილობრივი მოსახლეობის უფლებებისა და თავისუფლებების დაცვას, სოციალური და ეკონომიკური მდგომარეობის გაუმჯობესებას, ჯანდაცვისა და განათლების ხარისხისა და ხელმისაწვდომობის გაზრდას და ოკუპირებული რეგიონების ჩართვას საქართველოს ეკონომიკურ ურთიერთობებში. ამისათვის საჭიროა მთავრობამ შეიმუშაოს კოორდინირებული, მოქნილი და კონფლიქტით დაზარალებულ პირთა საჭიროებებზე მორგებული მექანიზმები როგორც საკანონმდებლო, ისე პრაქტიკულ დონეზე“,-ნათქვამია სახალხო დამცველის ანგარიშში.

საკვანძო სიტყვები:

საოკუპაციო ხაზთან მდებარე სოფლების - წითელუბნისა და ხურვალეთის სკოლების ყველა მოსწავლეს საჩუქრად პლანშეტები გადაეცა

25 მაისი, 2020 , 15:32

საქართველოს დამოუკიდებლობის დღესთან დაკავშირებით, განათლების, მეცნიერების, კულტურისა და სპორტის მინისტრის მოადგილე ეკა დგებუაძე და კომპანია „გლობალ სელის“ საქართველოს დირექტორი გიორგი მადუაშვილი, ადგილობრივი

ოკუპირებული რეგიონიდან გადმოყვანისას პაციენტი გზაში გარდაიცვალა

20 მაისი, 2020 , 14:25

ოკუპირებული ცხინვალის რეგიონიდან საქართველოს ცენტრალური ხელისუფლების მიერ კონტროლირებულ ტერიტორიაზე გადმოყვანისას, გზაში გარდაიცვალა 63 წლის ახალგორელი ჯუმბერ მილაძე. რადიო „თავისუფლების“ ინფორმაციით, მისი ჯა

სამეგრელო-აფხაზეთის ადმინისტრაციულ საზღვარზე უკანონო ბორდერიზაციის პროცესი გრძელდება

20 მაისი, 2020 , 14:12

ოკუპირებული აფხაზეთის მიმართულებით, ზუგდიდის მუნიციპალიტეტის სოფელ ხურჩის და სოფელ განმუხურის მიმდებარედ, ოკუპირებულ ტერიტორიაზე საოკუპაციო ძალების მიერ განხორციელდა უკანონო ე.წ. ბორდერიზაციის პროცესი, შეიცვალა ადრე არსე

ფახულანისა და საბერიოს მონაკვეთზე საოკუპაციო ძალების მიერ უკანონო ე.წ. ბორდერიზაცია ხორციელდება - სახელმწიფო უსაფრთხოების სამსახური

16 მაისი, 2020 , 17:36

ოკუპირებული აფხაზეთის მიმართულებით, სოფელ ფახულანისა და სოფელ საბერიოს მონაკვეთზე, ოკუპირებულ ტერიტორიაზე საოკუპაციო ძალების მიერ უკანონო ე.წ. ბორდერიზაცია ხორციელდება, კერძოდ ხდება ადრე უკანონოდ გავლებული მავთულხლართები

ოკუპირებულ აფხაზეთში ინფიცირებულთა რაოდენობა 12 - მდე გაიზარდა

14 მაისი, 2020 , 10:50

ოკუპირებულ აფხაზეთში კორონავირუსის კიდევ ორი შემთხვევა გამოვლინდა და საერთო ჯამში ინფიცირებულთა რაოდენობამ 12-ს მიაღწია. ცნობისთვის, ოკუპირებულ აფხაზეთში კორონავირუსის პირველი შემთხვევები აპრილში დაფიქსირდა. ვირუსს გაგრა

საქართველოს ოკუპირებულ ტერიტორიებზე კორონავირუსის შემთხვევები იზრდება

13 მაისი, 2020 , 16:50

საქართველოს ოკუპირებულ ტერიტორიებზე კორონავირუსის შემთხვევები იზრდება. გასული დღე-ღამის განმავლობაში ოკუპირებულ აფხაზეთში ინფიცირების სამი ახალი შემთხვევა გამოვლინდა. სულ კი, ოკუპირებულ რეგიონში დაავადებული ათი პირია. რა