კომენტარი

უმრავლესობის წევრების მხრიდან ვისმენდით ანა დოლიძისადმი პირად შეურაცხყოფებს – გიორგი აბაშიშვილი

საქართველოს პრეზიდენტის ადმინისტრაციის უფროსის, გიორგი აბაშიშვილის შეფასებით, უმრავლესობის წევრების მხრიდან იურიდიული კომიტეტის სხდომაზე ანა დოლიძის მისამართით პირადი ხასიათის შეურაცყოფა ისმოდა.

ამის შესახებ აბაშიშვილმა ჟურნალისტებს სხდომის დასრულების შემდეგ განუცხადა, რომელზეც საპარლამენტო უმრავლესობამ პრეზიდენტის მოტივირებულ შენიშვნებს მხარი არ დაუჭირა.

საქართველოს პრეზიდენტის მოტივირებული შენიშვნები გიორგი მარგველაშვილის საპარლამენტო მდივანმა ანა დოლიძემ წარადგინა.

„დღეს, სამწუხაროდ უმრავლესობის წევრების მხრიდან ვისმენდით ანა დოლიძისადმი პირად შეურაცხყოფებს, რაც ძალიან სამწუხაროა. მიუხედავად იმისა, რომ იგი მაქსიმალურად ცდილობდა იურიდიული არგუმენტებით, პოლიტიკური არგუმენტებით დაერწმუნებინა უმრავლესობა კონსტიტუციის მნიშვნელობაში და ამ სახალხო დოკუმენტის ფართო კონსენსუსით მიღების მნიშვნელობაში. სამწუხაროდ, ამის პასუხად ანა დოლიძე იღებდა პირად შეურაცხყოფებს“,–აღნიშნა გიორგი აბაშიშვილმა.

მონიკა დავლიანიძე