პოლიტიკა

2012 წელს ჩვენთან არჩევნები რუსეთის სპეცსამსახურების ინსტრუქციით ჩატარდა და ეს ფაქტი საბოლოოდ დამტკიცდა - მიხეილ სააკაშვილი ახალ აუდიოჩანაწერზე

საქართველოს ყოფილი პრეზიდენტი მიხეილ სააკაშვილი გამოეხმაურა „კურიერის„ მიერ გამოქვეყნებულ მორიგ აუდიოჩანაწერს, რომელშიც, სავარაუდოდ, ბიზნესმენი ვანო ჩხარტიშვილი საუბრობდა, თუ როგორ შეხვდა რუსეთის პრეზიდენტის ადმინისტრაციის უფროს სერგეი ნარიშკინს, რომელსაც სააკაშვილის ხელისუფლების დამხობა სთხოვა.

„ანაბრების ქურდი ჩხარტიშვილი ჩემი პრეზიდენტობის დროს ლონდონში იყო გაქცეული და მაშინ ეს ფაქტი მოჰყავდათ ერთ-ერთ დამადასტურებელ საბუთად ჩემ მიერ ბიზნესის დატერორების.

ჩხარტიშვილი იყო ერთ-ერთი მთავარი დასაყრდენი 2012 წლის ივანიშვილის საარჩევნო კამპანიის. თავის მხრივ, 2012 წელს ჩვენთან არჩევნები რუსეთის სპეცსამსახურების ინსტრუქციით ჩატარდა და ეს ფაქტი საბოლოოდ დამტკიცდა. ივანიშვილმა დაუფასა ჩხარტიშვილს და ბიუჯეტის ხარჯზე ქართველი ერის კუთვნილი უამრავი ქონება გადასცა. ეს ყველაფერი დამთავრდება 28 ოქტომბერს“, - დაწერა სააკაშვილმა ფეისბუკის საკუთარ გვერდზე.