მსოფლიო
28 მარტი რუსეთში ეროვნული გლოვის დღედ გამოცხადდა
რუსეთის პრეზიდენტმა ვლადიმერ პუტინმა ხელი მოაწერა განკარგულებას, რომლის მიხედვით 28 მარტი ეროვნული გლოვის დღედ გამოცხადდა რუსეთში კემეროვოში დატრიალებული ტრაგედიის გამო.
სამდღიანი გლოვაა გამოცხადებული კემეროვოს ოლქში. ოლქის გუბერნატორის გადაწყვეტილებით, 27, 28 და 29 მარტს კემეროვოს ოლქის მთელ ტერიტორიაზე რუსეთის სახელმწიფო დროშები დაეშვება.
ხანძარი კემეროვოს სავაჭრო-გასართობ ცენტრ „ზამთრის ალუბალში“ კვირას გაჩნდა, რომლის შედეგად 64 ადამიანი დაიღუპა, აქედან 41 არასწრულწლოვანია. ამ დროისთვის 25 დაღუპული ამოიცნეს.
რუსეთის საგანგებო სიტუაციათა სამინისტროს ცნობით, ცეცხლი გაჩნდა სავაჭრო-გასართობი ცენტრის მეოთხე სართულზე, სადაც იყო განთავსებული კინოთეატრი და საბავშვო სათამაშო მოედნები.
მომხდარზე სისხლის სამართლის საქმეა აღძრული. დაკავებულია 5 პირი, მათ შორის იმ შენობის მოიჯარე, რომელშიც ხანძრის კერა გაჩნდა, ასევე დაცვის წევრი, რომელმაც, სავარაუდოდ, გამორთო სახანძრო სიგნალიზაცია.
ხანძრის გამომწვევ მიზეზებს შორის ასახელებენ ელექტროსადენის გაუმართაობას. არსებობს ვერსია, რომ ხანძარი მოზარდების გამო გაჩნდა.
საკვანძო სიტყვები:
მოსკოვში ალექსეი ნავალნის მეუღლე დააკავეს
23 იანვარი, 2021 , 17:35
ჯო ბაიდენი აშშ-ის 46-ე პრეზიდენტია
20 იანვარი, 2021 , 21:17
საქართველოს კანდიდატი ზურაბ პოლოლიკაშვილი გაერო-ს მსოფლიო ტურიზმის ორგანიზაციის საბჭომ გენერალური მდივნის პოზიციაზე მეორე ვადით აირჩია
20 იანვარი, 2021 , 11:05
დიდი ბრიტანეთი ყველა სატრანსპორტო დერეფანს კეტავს
16 იანვარი, 2021 , 13:09
საფრანგეთში საქართველოს საელჩო მოქალაქეებს ქვეყანაში მოქმედი შეზღუდვების შესახებ აფრთხილებს
15 იანვარი, 2021 , 17:20
ინდონეზიაში თვითმფრინავთან კონტაქტი აფრენიდან 4 წუთში დაიკარგა
9 იანვარი, 2021 , 16:15
