მსოფლიო

39 დაღუპული, 70-ზე მეტი დაშავებული - სამხრეთ კორეაში, ერთ-ერთ საავადმყოფოში გაჩენილ ცეცხლს სამი საათის განმავლობასი აქრობდნენ

სამხრეთ კორეის ქალაქ მირიანში, სეჯონგის საავამდმყოფოში მომხდარ ხანძარს სულ მცირე 39 ადამიანის სიცოცხლე ემსხვერპლა, 70-ზე მეტი კი დაშავდა.

ვარაუდობენ, რომ აფეთქება სასწრაფო დახმარების განყოფილებაში მოხდა.

ხანზრის გაჩენის მომენტში საავადმყოფოსა და მასთან მდებარე მოხუცთა თავშესაფარში დაახლოებით 200 პაციენტი იმყოფებოდა.

სავარაუდოდ, დაღუპულთა და დაშავებულთა რაოდენობა გაიზრდება.

როგორც მეხანძრეებმა ადგილობრივ საინფორმაციო სააგენტო Yonhap news-ს განუცხადეს, მსხვერპლი ძირითადად კვამლისგან გაიგუდა.

ხანძარი საავადმყოფოში ადგილობრივი დროით 7:30 საათზე გაჩნდა. მეხანძრეები ცეცხლს სამი საათის განმავლობაში აქრობდნენ.

ჯერჯერობით უცნობია ხანძრის გამომწვევი მიზეზი.