სამართალი

76 წლის ქალის ჯგუფურად მკვლელობის საქმეზე სასამართლო განხილვები 17 იანვარს დაიწყება

76 წლის ქალის მკვლელობის ფაქტზე წინასასამართლო სხდომა ერთ კვირაში გაიმართება.

საქმე ეხება ლუბა ყოჩიაშვილის განსაკუთრებული სისასტიკით ჯგუფურად ჩადენილ მკვლელობას.

ხანდაზმული ქალის მკვლელობაში ბრალი გარდაცვლილის 19 წლის ქალიშვილს, 24 წლის მამაკაცს და არასრულწლოვან გოგოს ედებათ. ამავე საქმეზე დანაშაულის შეუტყობინებლობისთვის ბრალი სხვა ორ ახალგაზრდა მამაკაცს აქვს წარდგენილი.

პროკურატურამ მხარეებს დღეს საქმის მასალები გადასცა.

ერთ-ერთი დაკავებულის, ავთანდილ ამირანაშვილის ადვოკატი, ქართლოს ვაშაკიძე ამბობს, რომ სანამ პროკურატურისგან მიღებულ მასალებს არ გაეცნობა, მისთვის უცნობია ამ ეტაპზე მუშაობს თუ არა გამოძიება კვლავ კანიბალიზმის ვერსიაზე.

,,საქართველოში მსგავსი ისტორია არ მომხდარა. მე ძალიან ბევრ საქმეზე მიმუშავია სხვადასხვა რეგიონშიც, მაგრამ მასეთი რაღაც მე არ გამიგია’’, - განაცხადა ადვოკატმა პროკურატურის დატოვების შემდეგ.

ნინო ექვთიმიშვილი