უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
არქივი
სამართალი
76 წლის ქალის მკვლელობის საქმეს ნაფიცი მსაჯულები არ განიხილავენ
76 წლის ლუბა ყოჩიაშვილის განსაკუთრებული სისასტიკით ჯგუფურად ჩადენილ მკვლელობაში ბრალდებულების საქმეს ნაფიცი მსაჯულები არ განიხილავენ.
ე.წ. კანიბალიზმის საქმეზე ბრალდებულებმა მოკლულის ქალიშვილმა ირმა ყოჩიაშვილმა და მისმა შეყვარებულმა, ამავე საქმეზე ბრალდებულმა, ბექა შენგელიამ ნაფიცი მსაჯულების მონაწილეობით სასამართლო განხილვების წარმოებაზე უარი განაცხადეს.
ამასთან, წინასასამართლო სხდომაზე განზრახ მკვლელობის ბრალდებით დაკავებული პირების მიმართ აღმკვეთი ღონისძიება მოსამართლემ ძალაში დატოვა.
სასამართლომ არ დააკმაყოფილა ერთ-ერთი ბრალდებულის, ირმა ყოჩიაშვილის ადვოკატის შუამდგომლობა, რომ ბრალდებულს აღკვეთის ღონისძიება შეეცვალოს, მას გაუუქმდეს შეფარდებული პატიმრობა და მის მიმართ არ იქნას გამოყენებული აღკვეთის ღონისძიების არანაირი ფორმა.
რაც შეეხება მეორე ბრალდებულს, ბექა შენგელიას, როგორც მისმა ადვოკატმა განმარტა, ბრალდებული თანახმაა, რომ მის მიმართ გამოყენებული იყოს მკაცრი აღკვეთის ღონისძიება.
ნინო ექვთიმიშვილი