უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
პოლიტიკა
აბაშიშვილი ქვეყნის უსაფრთხოების საკითხებზე საქართველოში გამოკვეთილი მრავალპარტიული ერთიანობის წინაპირობას მიესალმება
პრეზიდენტის ადმინისტრაციის უფროსი გიორგი აბაშიშვილი საქართველოს პრეზიდენტის ინიციატივას გამოეხმაურა, რომელიც აშშ-ში საქართველოს მხარდამჭერი აქტის მიღებას ითვალისწინებს.
როგორც პრეზიდენტის ადმინისტრაციის მიერ გავრცელებულ განცხადებაშია აღნიშნულია, აბაშიშვილი ქვეყნის უსაფრთხოების საკითხებზე საქართველოში გამოკვეთილი მრავალპარტიული ერთიანობის წინაპირობას მიესალმება და პრეზიდენტის საქართველოში დაბრუნებისთანავე ერთიანი უსაფრთხოების პოლიტიკის დაგეგმვის პროცესში ჩართვას აანონსებს.
შეგახსენებთ, რომ გიორგი მარგველაშვილი 15-16 მარტს ამერიკის შეერთებულ შტატებში იმყოფებოდა. ვიზიტის მთავარი ამოცანა საქართველოს უსაფრთხოების მიმართ აშშ-ის ხელისუფლების წარმომადგენლების მხარდაჭერის გამყარება, ინტენსიური დიალოგის გაძლიერება და საქართველოს მხარდამჭერთა კონსოლიდაცია იყო.
საქართველოს პრეზიდენტი ვაშინგტონში, კონგრესში გამართულ კონფერენციაზე, რომელიც “აშშ-საქართველოს პარტნიორობის” საკითხებს მიეძღვნა, საქართველოს მხარდამჭერი აქტის მიღების ინიციატივით გამოვიდა.
ცირა გურგენიძე