პოლიტიკა

აჭარის მთავრობის თავმჯდომარე ზურაბ პატარაძე თანამდებობას ტოვებს

აჭარის მთავრობის თავმჯდომარე ზურაბ პატარაძე დღეს 12 საათისთვის დანიშნულ ბრიფინგზე თანამდებობის დატოვების შესახებ გააკეთებს განცხადებას. ინფორმაციას აჭარის საზოგადოებრივი მაუწყებელი ავრცელებს.

პატარაძის შემცვლელად საქართველოს ენერგეტიკის განვითარების ფონდის დირექტორი თორნიკე რიჟვაძე განიხილება. ასევე, განიხილებიან უმაღლესი საბჭოს დეპუტატი ცოტნე ანანიძე, აჭარის განათლების მინისტრის მოადგილე ბადრი ნაკაშიძე და აჭარის ჯანდაცვის მინისტრი ზაალ მიქელაძე. პირველ ეტაპზე, შესაძლოა, მთავრობის თავმჯდომარის მოვალეობა ჯანდაცვის მინისტრმა ზაალ სურმანიძემ შეასრულოს.

კანონმდებლობით, პატარაძის განცხადების შემდეგ, აჭარის მთავრობას უფლებამოსილება უწყდება.

აჭარის ტელევიზიასთან საუბარში უმაღლესი საბჭოს დეპუტატმა ცოტნე ანანიძემ განაცხადა, რომ პატარაძის შესაძლო გადადგომის შესახებ ინფორმაციას არ ფლობს. ცნობა კონსულტაციების შესახებ არ დაადასტურეს არც მმართველ გუნდში და არც ზაალ მიქელაძემ.