საზოგადოება

ადვოკატის ფუნქციები კონსტიტუციაში უნდა იყოს განსაზღვრული _ ადვოკატები

საქართველოს ადვოკატთა ასოციაციის ინიციატივით, მიმდინარეობს შეხვედრა, სადაც განიხილავენ კონსტიტუციაში ადვოკატის როლის განსაზღვრასა და ამ პროფესიის შესაბამისი საკანონმდებლო ჩარჩოს დახვეწას. წინადადების თანახმად, კონსტიტუციაში უნდა იყოს შეტანილი 91-ე პრიმა მუხლი, სადაც ტერმინი ადვოკატი იქნება განმარტებული.

ადვოკატთა ასოციაციის აღმასრულებელი საბჭოს წევრის, დავით ასათიანის თქმით, თუ მათ მიერ წარდგენილი ცვლილებათა პაკეტი ძალაში შევა, ეს დადებითად აისახება მართლმსაჯულების სისტემაზე.

„ადვოკატთა კორპუსს გვაქვს მნიშვნელოვაბნი ინიციატივა იურიდიული პროფესიის გაძლიერების, მისი დამოუკიდებლობისა და ხარისხის გამტკიცების მიმართულებით. საერთო ჯამში, ეს ჩვენ მოგვცემს ხარისხიან და მაღალი სანდოობის მქონე მართლმსაჯულების სისტემას საქართველოში“, - განაცხადა ასათიანმა.

მან ასევე აღნიშნა, რომ შეთავაზებული ცვლილებათა პაკეტი ითვალისწინებს ისეთი მუხლის დამატებას კონსტიტუციაში, რომელიც ეხება ადვოკატთა უფლებების დამცველი სპეციალური ორგანიზაციის შექმნას.

ანა მებურიშვილი