უკან

უახლესი ამბები

დღის კალენდარი

ანონსები

არქივი

მსოფლიო

14 აპრილი, 2018 13:30
font-size

„აგრესიის აქტი“ - ვლადიმერ პუტინი უშიშროების საბჭოს საგანგებო სხდომის მოწვევას ითხოვს

რუსეთი გაეროს უშიშროების საბჭოს საგანგებო სხდომის მოწვევას ითხოვს კოალიციური ძალების მიერ სირიაში განხორციელებული იერიშის გამო. ამის შესახებ წერია რუსეთის პრეზიდენტის, ვლადიმერ პუტინის განცხადებაში.

პუტინმა აშშ-ის, დიდი ბრიტანეთისა და საფრანგეთის ერთობლივი ძალების მიერ განხორციელებული ავიადარტყმები სირიის მთავრობის ობიექტებზე „აგრესიის აქტი“ უწოდა.

„გაეროს უშიშროების საბჭოს სანქციების გარეშე, გაეროს წესდების, საერთაშორისო სამართლის ნორმებისა და პრინციპების დარღვევით განხორციელდა აგრესიის აქტი სუვერენული ქვეყნის წინააღმდეგ, რომელიც ტერორიზმთან ბრძოლის წინა ხაზზე იმყოფება“, - წერია პუტინის განცხადებაში.

პუტინმა დაგმო იერიში სირიაზე, სადაც „რუსი სამხედროები ეხმარებიან კანონიერ ხელისუფლებას ტერორიზმთან ბრძოლაში“.

რუსეთის პრეზიდენტის მტკიცებით, ეს ქმედება „ამძიმებს ჰუმანიტარულ კატასტროფას სირიაში, უბედურება მოაქვს მშვიდობიანი მოსახლეობისთვის და ფაქტობრივად ტერორისტების წისქვილზე ასხამს წყალს და ამ ქვეყნიდან და რეგიონიდან ლტოლვილების ახალი ტალღის პროვოცირებას ახდენს“.

მისივე თქმით, „სირიის გარშემო არსებული ესკალაცია დამანგრეველ ზეგავლენას ახდენს საერთაშორისო ურთიერთობების მთელ სისტემაზე“. პუტინმა აღნიშნა, რომ „ისტორია ყველაფერს თავის ადგილს მიუჩენს და მან უკვე მძიმე პასუხისმგებლობა დააკისრა ვაშინგტონს იუგოსლავიასთან, ერაყთან და ლიბიასთან სისხლიანი გარჩევების გამო“.

აშშ-ის პრეზიდენტმა დონალდ ტრამპმა სირიაზე იერიშის მიტანის ბრძანება გასცა. დღეს გამთენიისას კოალიციურმა ძალებმა, რომლებშიც შედიან აშშ, დიდი ბრიტანეთი და საფრანგეთი, სირიაში სამიზნეებზე ავიადარტყმები განახორციელეს. მათი განმარტებით, ესაა პასუხი 7 აპრილს, ქალაქ დუმაზე განხორციელებულ იერიშზე, სადაც სავარაუდოდ ქიმიური იარაღი გამოიყენეს.

დასავლეთი მომხდარში სირიის მთავრობას ადანაშაულებს, თუმცა ბაშარ ალ-ასადის რეჟიმი რაიმე მონაწილეობას უარყოფს.

რუსეთი: კორონავირუსის 8 371 ახალი შემთხვევა, 174 გარდაცვლილი

28 მაისი, 2020 , 12:09

რუსეთში ბოლო დღე-ღამის განმავლობაში კორონავირუსის 8 371 შემთხვევა გამოვლინდა, 174 ადამიანი კი გარდაიცვალა. ოფიციალური სტატისტიკით, რუსეთში გამოვლენილია ახალი ტიპის კორონავირუსის სულ 379 051 შემთხვევა. ვირუსულ დაავადებას

სომხეთი: კორონავირუსის 442 ახალი შემთხვევა, 15 გარდაცვლილი

28 მაისი, 2020 , 11:48

სომხეთში ბოლო 24 საათის განმავლობაში, კორონავირუსის 442 ახალი შემთხვევა გამოვლინდა, ხოლო ვირუსით 15 ადამიანი გარდაიცვალა, რაც ყველაზე მაღალი მაჩენებელია. საერთო ჯამში, ქვეყანაში ინფიცირებულთა რაოდენობამ 8 216-ს მიაღწია,

დადგა დრო, ამერიკელმა სამხედროებმა საპოლიციო კონტროლი თავის ქვეყანას გაუწიონ - დონალდ ტრამპი

27 მაისი, 2020 , 17:40

ამერიკის შეერთებული შტატების პრეზიდენტის, დონალდ ტრამპის თქმით, დროა, ამერიკელი სამხედროები ავღანეთიდან სამშობლოში დაბრუნდნენ. ამის შესახებ დონალდ ტრამპმა „ტვიტერის“ საკუთარ გვერდზე დაწერა. „ავღანეთში ჩ

სომხეთი: კორონავირუსის 373 ახალი შემთხვევა, 7 გარდაცვლილი

27 მაისი, 2020 , 13:00

სომხეთში ბოლო 24 საათში კორონავირუსის შედეგად შვიდი ადამიანი გარდაიცვალა, კიდევ ხუთი კოვიდინფიცირებული კი „სხვა მიზეზებით“ დაიღუპა. ამის შესახებ ინფორმაციას სომხეთის დაავადებათა კონტროლის ცენტრი ავრცელებს. ბო

რუსეთი: კორონავირუსის 8 338 ახალი შემთხვევა, 161 გარდაცვლილი

27 მაისი, 2020 , 12:49

რუსეთში გასული 24 საათის განმავლობაში კორონავირუსით 161 ადამიანი დაიღუპა და ვირუსის 8 338 ახალი შემთხვევა გამოვლინდა. საერთო ჯამში ვირუსის გავრცელებიდან დღემდე ქვეყანაში კორონავირუსის 370 680 შემთხვევაა გამოვლენილი. დაღუ

აზერბაიჯანი: კორონავირუსის 149 ახალი შემთხვევა, 2 გარდაცვლილი

25 მაისი, 2020 , 17:05

აზერბაიჯანში ბოლო დღე-ღამის განმავლობაში კორონავირუსით ინფიცირების 149 ახალი შემთხვევა გამოვლინდა, რითაც ინფიცირებულთა რაოდენობა 4 271-მდე გაიზარდა. გასული დღე-ღამის განმავლობაში გარდაცვალების 2 ახალი შემთხვევა დაფიქსირდ