რეგიონები

ახალი სარკინიგზო ხაზის მშენებლობაზე 55 წლის ტვირთამწის მძღოლი კობა მაღრაძე დაიღუპა - „რკინიგზელთა ახალი პროფკავშირი“

„რკინიგზელთა ახალი პროფკავშირის“ ინფორმაციით, ახალი სარკინიგზო ხაზზე მუშაობის დროს 55 წლის კობა მაღრაძე დაიღუპა.

„დღეს, ხარაგაულის სოფელ ზვარეში, ახალი სარკინიგზო ხაზის მშენებლობის პროცესში,საკუთარი მოვალეობის შესრულების დროს 55 წლის ტვირთამწის მძროლი კობა მაღრაძე დაიღუპა.

აღნიშნულ მონაკვეთზე სამუშაოებს სს ,,საქართველოს რკინიგზის" დაკვეთით, შპს ,,ჩინეთის რკინიგზის 23_ე ბიურო" ანხორციელებდა.

პროფკავშირების ხელთ არსებული წინასწარი ინფორმაციის თანახმად, უბედური შემთხვევა, რომელსაც ერთი ადამიანის სიცოცხლე ემსხვერპლა, ტექნიკური გაუმართაობისა და შრომის უსაფრთხოების უხეში დარღვევის შედეგად მოხდა“, - წერია „რკინიგზელთა ახალი პროფკავშირის“ ფეისბუკგვერდზე.