კომენტარი

ახლა უკვე ზუსტად ვიცი, რომ წავალ - ნიკა გვარამია

ტელეკომპანია რუსთავი2-ის გენერალური დირექტორი ნიკა გვარამია facebook-ის პირად გვერდზე სტატუსს აქვეყნებს.

,,ადვოკატთა ასოციაციის წევრი ვარ. არ დავმალავ, არ ვაპირებდი კენჭისყრაზე წასვლას. ახლა უკვე ზუსტად ვიცი, რომ წავალ და ხმას მივცემ კორუმპირებული და უცოდინარი ოცნების მარიონეტის - ირმა ჭკადუას წინააღმდეგ“, - წერს ნიკა გვარამია.

ცნობისათვის, ხვალ, 9 დეკემბერს, 10:00 საათზე სპორტის სასახლეში, საქართველოს ადვოკატთა ასოციაციის საერთო კრება გაიმართება.

კრებაზე 4 წლის ვადით ასოციაციის თავმჯდომარეს, აღმასრულებელი საბჭოს 11 წევრს, ეთიკის კომისიის 15 და სარევიზიო კომისიის 5 წევრს ასოციაციის წესდებით დადგენილი წესით, ფარული კენჭისყრით აირჩევს.