პოლიტიკა

ალეკო ელისაშვილი მზადაა, საკუთარი წინასაარჩევნო პროექტები განსახორციელებლად კახა კალაძეს გადასცეს

თბილისის მერობის დამოუკიდებელი კანდიდატი ალეკო ელისაშვილი, რომელიც ადგილობრივი თვითმმართველობის არჩევნების წინასწარი მონაცემებით, მეორე ადგილზეა, ამბობს, რომ პოლიტიკიდან წასვლას არ აპირებს.

როგორც ალეკო ელისაშვილმა ჟურნალისტებს განუცხადა, ის განაგრძობს დედაქალაქზე ზრუნვას ორგანიზაცია „ტფილისის ჰამქრის“ მეშვეობით.

მერობის დამოუკიდებელი კანდიდატი არ გამორიცხავს, რომ საკუთარ გუნდთან ერთად, მარტომ დააფუძნოს პარტია, თუმცა მისი ჩამოყალიბების სავარაუდო თარიღს არ ასახელებს.

ამასთან, ელისაშვილი სხვა პარტიებთან გაერთიანებას გამორიცხავს.

მერობის დამოუკიდებელი კანდიდატი მზადყოფნას გამოთქვამს,მომავალ მერს, კახა კალაძეს საკუთარი წინასაარჩევნო პროექტები განსახორციელებლად გადასცეს.