პოლიტიკა

ალექსანდრე ჯეჯელავა ადასტურებს, რომ სამინისტროში კადრების ოპტიმიზაცია და ხელფასების შემცირება იგეგმება

განათლების მინისტრი ალექსანდრე ჯეჯელვა ადასტურებს, რომ მის უწყებაში კადრების შემცირება იგეგმება. მისივე ინფორმაციით, მთავრობის მიერ გაცხადებული გეგმის თანახმადვე, საუბარია ანაზღაურების ნაწილში ხარჯების შემცირებაზეც.

,,აუცილებლად იგეგმება ყველა ორგანიზაციაში ყოველწლიურად გადახედვა. მე კერძო სექტორში ვმუშაობდი მრავალი წელი და ყოველ წელს ვაკეთებდით ოპტიმიზაციასაც და გადახედვასაც.

ზოგან გავაძლიერებთ, ანუ ზოგან მეტი ხალხი გვეყოლება, ზოგან ნაკლები ხალხი გვეყოლება. რაც უკვე გაცხადებულია, ეს არის, რომ ჩვენ 10%-ით ნაკლებს დავხარჯავთ როგორც ანაზღაურებების ნაწილში, ასევე ადმინისტრაციული ხარჯების ნაწილში. ჯამში, მთავრობის მასშტაბით, დაახლოებით 270 მილიონზეა ლაპარაკი’’, - განუცხადა ჟურნალისტებს ალექსანდრე ჯეჯელავამ.

ნინო ექვთიმიშვილი