უახლესი ამბები
- 01.05.2024 16:15მჯერა ქართველი ხალხის, ის საქართველოს ევროპულ გზას დაიცავს - ევროპარლამენტარი
- 01.05.2024 15:39ძალადობა უნდა შეწყდეს - საქართველოში გერმანიის ელჩი
- 01.05.2024 15:27ხელისუფლება შევიდა უმძიმეს და არასაჭირო პროცესში და ვფიქრობ, მას მოუწევს დიდი პოლიტიკური ფასის გადახდა - გიორგი კვირიკაშვილი
- 01.05.2024 15:182 მაისიდან 6 მაისამდე საქართველოში ამინდი გაუარესდება
არქივი
მსოფლიო
ამერიკის ფედერალურმა სასამართლომ დონალდ ტრამპის სამიგრაციო ბრძანება შეაჩერა
ამერიკის ვაშინგტონის შტატის ქალაქ სიეტლის ფედერალურმა სასამართლომ, ამერიკის პრეზიდენტის იმ ბრძანების მოქმედება შეაჩერა, რომელშიც დონალდ ტრამპმა ლტოლვილების მიღებასა და შვიდი ქვეყნის მოქალაქეებისთვის ვიზების გაცემაზე უარს ამბობს. საუბარია, ძირითადად მუსლიმი მოქალაქეებით დასახლებულ ქვეყნებზე.
ბრძანების მოქმედება მთელი ქვეყნის მასშტაბით იქამდე არის შეჩერებული, ვიდრე არ იქნება განხილული სარჩელი, რომლითავ სასამართლოს ადგილობრივმა პროკურატურამ მიმართა.
სასარჩელო დოკუმენტში პროკურატურა ითხოვს პრეზიდენტის ბრძანების ძირითადი ნაწილი არაკონსტიტუციურად ცნოს და მთლიანად გააუქმოს.
ვაშინგტონის შტატის პროკურორმა ბობ ფერგიუსონმა სასამართლოს გადაწვეტილების კომენტირებისას აღნიშნა,რომ ამერიკაში კანონის ზეიმი მოხდა.
სასამართლოს გადაწყვეტილებიდან რამდენიმე საათში გახდა ცნობილი, რომ ამერიკის იუსტიციის სამინისტრო, უახლოეს დროში, სიეტლის სასამართლოს გადაწყვეტილებს გაასაჩივრებს.
თეთრი სახლის პრესსამსახურის მიერ გავრცელებულ განცხადებაში კი ნათქვამია, რომ პრეზიდენტის ბრძანება მართლზომიერი და მიზანშეწონილია. მათი თქმით, ქვეყნის მეთაურს „გააჩნია კონსტიტუციური უფლება და ვალდებულება დაიცვას ამერიკელები“.
სუდანის,იემენის, ლიბიის, სომალის, ერაყის, ირანისა და სირიის მოქალაქეებისთვის შეზღუდვები, დონალდ ტრამპის ბრძანებით ძალაში 28 იანვრიდან შევიდა.
ბრძანების საფუძველზე უკვე 100 ათასი ამერიკის ვიზაა გაუქმებული.
პრეზიდენტის ბრძანებამ ამერიკის საზოგადოებაში დიდი უკმაყოფილება გამოიწვია, მათ შორის მსხვილ მეწარმეებშიც.
მონიკა დავლიანიძე