მსოფლიო

ამერიკის ყველა შტატში დონალდ ტრამპის საწინააღმდეგო მასშტაბური აქციები გაიმართება

ამერიკის 45-ე პრეზიდენტის დონალდ ტრამპის საწინააღმდეგო აქციები, ქვეყნის ყველა შტატში გაიმართება.

მასშტაბური აქცია დაგეგმილია ვაშინგტონში, სადაც „ ქალების მარში“ გაიმართება. აქციის ორგანიზატორების თქმით, მსვლელობას 200 ათასზე მეტი ადამიანი შეუერთდება.

ორგანიზატორების თქმით, ეს ქვეყნის ისტორიაში ყველაზე მასშტაბური აქცია იქნება, რომელიც პრეზიდენტის ინაუგურაციას მოჰყოლია.

მათი თქმით, ქუჩაში არამარტო ფემინისტი ქალები, არამედ მამაკაცებიც გამოვლენ და ტრამპს „არა“-ს ეტყვიან.

„ქალების მსვლელობას“ შოუ-ბიზნესის წარმომადეგნლებიც შეუერთდებიან: მომღერალი და მსახიობი შერი, მომღერალი კეტი პერი, მსახიობი სკარლეტ იოჰანსონი, რეჟისორი რებეკა როდრიგესი და სხვები.

„ვფიქრობ, ახალი ადმინისტრაციის დიდი პრობლემა, სწორედ ქალები იქნება“,-აცხადებენ ორგანიზატორები.

ამერიკის გარდა, სოლიდარობის მარშები 30-ზე მეტ ქვეყანაში გაიმართება, დაწყებული კოლუმბიიდან და მიანმადან,დამთავრებული ერაყსა და საუდის არაბეთით.

მედიის ინფორმაციით, ლონდონში 100 ათსზე მეტი ადამიანი მოაწყობს საპროტესტო მარშს.

მონიკა დავლიანიძე