სამართალი

ანა დოლიძე მოსამართლეთა საგამოცდო სისტემაში ცვლილებებს ითხოვს

ჩააბარებენ თუ არა მოსამართლეები გამოცდებს გამოცდების ეროვნულ ცენტრში და ექნება თუ არა კავშირი ტესტირებასთან იუსტიციის საბჭოს.- ამ საკითხის დაყენებას იუსტიციის უმაღლესი საბჭოს დღევანდელ სხდომაზე არამოსამართლე წევრი ანა დოლიძე აპირებს.

დოლიძის აზრით, იუსტიციის საბჭო მოსამართლეებს არ უნდა აკონტროლებდეს, ვინაიდან ეს მიუკერძოებლობის გარანტიას არ იძლევა.

„საკვალიფიკაციო გამოცდისგან თითქმის მთლიანად უნდა მოხდეს იუსტიციის საბჭოს ჩამოშორება, უნდა იყოს უზრუნველყოფილი ობიექტური შეფასების სისტემა. წარმოდგენილ ცვლილებებში მაინც კომისიის თავმჯდომარეს აქვს გადამწყვეტი უფლება დაუწეროს ნიშანი გამოსაცდელ პირს.

მთავარი პრინციპი, რომელიც უნდა იყოს დაცული, გამოცდა უნდა იყოს სრულიად და ყოველმხრივ ანონიმური,“-აცხადებს დოლიძე.

ცირა გურგენიძე