სამართალი

ანა მარგველაშვილის მეგობარი სასამართლომ წინასწარ პატიმრობაში დატოვა

საქართველოს პრეზიდენტის შვილის, ანა მარგველაშვილის მეგობარი, მიხეილ თათარიშვილი, რომელსაც ბრალად დიდი რაოდენობით ნარკოტიკული საშუალების შეძენა-შენახვა ედება, მოსამართლემ წინასწარ პატიმრობაში დატოვა.

დღეს წინასასამართლო სხდომაზე მოსამართლემ დაცვის მხარის შუამდგომლობა წინასწარი პატიმრობიდან გათავისუფლების თაობაზე, არ დააკმაყოფილა.

სხდომაზე ასევე იმ მტკიცებულებებზე იმსჯელეს, რომლებიც არსებითი განხილვის დროს უნდა განიხილონ.

მოსამართლემ დაცვისა და ბრალდების მხარის დოკუმენტების ნუსხა სრულად დაამტკიცა.

მიხეილ თათარიშვილის საქმის არსებითი განხილვა 11 მაისიდან დაიწყება.

ნინო ექვთიმიშვილი