უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
პოლიტიკა
ანგელა მერკელი „ევროპული საქართველოსა“ და „ნაციონალური მოძრაობის“ წევრებს შეხვდა
საქართველოში ვიზიტით მყოფი გერმანიის კანცლერის ანგელა მერკელისა და ოპოზიციის წარმომადგენლების შეხვედრა სასტუმრო „თბილისი მარიოტში“ დასრულდა.
ოპოზიციის მხრიდან შეხვედრაში „ევროპული საქართველოსა“ და „ნაციონალური მოძრაობის“ წევრები მონაწილეობდნენ.
როგორც შეხვედრის შემდეგ გრიგოლ ვაშაძემ განაცხადა, შეხვედრაზე გაცილებით უფრო გულწრფელი და პროდუქტიული საუბარი აღმოჩნდა, ვიდრე ელოდებოდა.
„ქალბატონი კანცლერი ძალიან დაინტერესებული იყო ჩვენი შეფასებებით – უპირველეს ყოვლისა, რა ხდება საქართველოში, რა ხდება საქართველოს დემოკრატიულ პროცესში, რა არის იმ პოლიტიკური ძალების განლაგება, რომელიც ახლა აპირებენ არჩევნებში მონაწილეობას და შემდგომ ამის გაგრძელებას, როგორც ვუყურებთ ჩვენ მდგომარეობას რეგიონში და როგორ ვუყურებთ იმას, რა გავლენას ახდენს რუსეთი საქართველოსა და რეგიონზე, როგორ ვაფასებთ ევროპის კავშირთან, ევროპასთან და პოლიტიკურ დასავლეთთან ჩვენს ურთიერთობებს“, – განაცხადა გრიგოლ ვაშაძემ.
რაც შეეხება ნატო-სთან დაახლოების საკითხს, როგორც ვაშაძემ აღნიშნა, ანგელა მერკელმა გულწრფელად დააფიქსირა იგივე პოზიცია, რა პოზიციაც მას ყოველთვის ჰქონდა.
„სრულიად გულწრფელად ქალბატონმა მერკელმა დააფიქსირა იგივე პოზიცია, რა პოზიციაც მას ყოველთვის ჰქონდა საქართველოს ნატო-სთან შემდგომ დაახლოებაზე. ერთი მხრივ, ეს გასაგებია, იმ სიტუაციაში, რა სიტუაციაშიც დღეს მსოფლიო იმყოფება, დამატებითი პასუხისმგებლობის აღება არც ერთ მხარეს არ სურს. მეორე მხრივ კი, ასევე გულწრფელად ვუთხრათ ერთმანეთს, რომ ექვსი წელიწადი ამ ე.წ. ხელისუფლებამ ვერ მოახერხა პარტნიორებთან ისეთი მუშაობა, რომელიც მათ დაარწმუნებდა ამ ნაბიჯის გადადგმის აუცილებლობაში“, – განაცხადა გრიგოლ ვაშაძემ.