საზოგადოება

აქტიური 1600 შემთხვევიდან, 103 პაციენტი რეანიმაციულ განყოფილებაშია მოთავსებული - თამარ გაბუნია

ჯანდაცვის მინისტრის მოადგილის თამარ გაბუნიას განცხადებით, სამიზნე დღიურ ტესტირებად 20 ათასი ტესტი რჩება, კოვიდის მიზნებისთვის კი ქვეყანაში 5 ათასზე მეტი საწოლია მობილიზებული. – ამის შესახებ ჯანდაცვის მინისტრის მოადგილე, თამარ გაბუნიამ უწყებათაშორისი საკოორდინაციო საბჭოს სხდომის შემდეგ ბრიფინგზე განაცხადა.

„ჩვენთვის სამიზნე დღიური ტესტირებისთვის რჩება 20 ათასი ტესტი, ამდენად ის, რომ სიმპტომური, ასიმპტომური პირები, კონტაქტები და ბიზნესსექტორში ტესტირების პროგრამები უნდა გაგრძელდეს, ამაზე ყველა ვთანხმდებით და დამატებითი დეტალებიც დაზუსტდება იმ სექტორისთვის, რომელიც აქამდე არ ოპერირებდა, მაგრამ ახლა შედარებით მეტი შესაძლებლობა იქნება მათი ოპერირების გააქტიურებისთვის. ამდენად ტესტირების პროგრამები ამ მიმართულებით გაგრძელდება, მაგალითად, სააღმზრდელო დაწესებულებებში მასწავლების ტესტირება, ისევე, როგორც ეს არის მიმდინარე პერიოდში სკოლებში.

რაც შეეხება ჯანდაცვის სექტორის მობილიზებას, 5 ათასზე მეტი საწოლია კოვიდის მიზნებისთვის მობილიზებული. დილით პაციენტი იყო 1600, 123 არის ტრიაჟში, აქედან ინტენსიური თერაპიის განყოფილებაში 302, 103 რეანიმაციულ განყოფილებაში“,- განაცხადა გაბუნიამ.