უკან

სამართალი

26 აგვისტო, 2017 13:30
font-size

არასამთავრობო სექტორს მოვუწოდებ, ომბუდსმენივით ჩაერთონ სტარსბურგის მოსამართლეთა კანდიდატების შესარჩევ სხდომაში - თეა წულუკიანი

ამ წუთებში სტარსბურგის მოსამართლეობის კანდიდატების შესარჩევი კონკურსი მიმდინარეობს.

როგორც იუსტიციის მინისტრმა, თეა წულუკიანმა კანდიდატებთან გასაუბრების დაწყებამდე განაცხადა, კომისია ითვალისწინებს ევროსაბჭოსგან 21 ივლისს მიღებულ წერილს. წულუკიანის ინფორმაციით, წერილი დღეს გასაჯაროვდება.

მინისტრის განმარტებით, წერილშია მითითებული ის კრიტერიუმები, რომელთა მიხედვით უნდა შეირჩნენ კანდიდატები. მათ შორისაა ასაკობრივი ცენზი - კანდიდატი 35 წელზე მეტის უნდა იყოს. გარდა ამისა, კანდიდატებისთვის აუცილებელია, მას ნამუშევარი ჰქონდეს ან მუშაობდეს უმაღლეს საკონსტიტუციო ინსტანციაში. თუკი კანდიდატი სამართალმცოდნეა, მას მოეთხოვება სამეცნიერო ან პედაგოგიური გამოცდილება.

„დღევანდელი გასაუბრებისას ვითვალისწინებთ 2017 წლის 21 ივლისის წერილს, რომელიც ჩვენმა კომისიამ ევროსაბჭოდან მიიღო. ეს წერილი მედიისა და საზოგადოებისთვის დღეს გასაჯაროვდება, სადაც პირდაპირ არის მითითებული საქართველოსთვის ის დამატებითი კრიტერიუმები, რომლითაც დღეს ჩვენ უნდა ვიხელმძღვანელოთ. კერძოდ, მითითებულია, რომ აუცილებელია კანდიდატი იყოს უფრო მეტი ასაკის, ვიდრე 35 წელია. აუცილებელია, რომ თუკი მოსამართლე კანდიდატია, მას ნამუშევარი ჰქონდეს, ან ამჟამად მუშაობდეს უმაღლეს საკონსტიტუციო ინსტანციაში. თუკი ეს სამართალმცოდნეა და არა მოსამართლე კანდიდატი, მას მნიშვნელოვანი გამოცდილება უნდა ჰქონდეს როგორც პედაგოგს, პროფესორს, ან მეცნიერს. ეს ყველაფერი ამ წერილიდან ცალსახად გამოსჭვივის. კომისიის მუშაობის შედეგებს დღის ბოლოს ყველანი ერთად შევაფასებთ და შევაჯერებთ“, - განაცხადა მინისტრმა.

წულუკიანის განმარტებით, ევროსაბჭოს მოთხოვნებიდან გამომდინარე ერთ-ერთი არჩეული კანდიდატი ქალი უნდა იყოს.

„დღეს მეორე და მესამე კანდიდატი უნდა შევარჩიოთ, საიდანაც ორივე უნდა იყოს ქალი კანდიდატი, ან ერთ-ერთი მაინც. ასეთია მოთხოვნა“, - განაცხადა წულუკიანმა.

მინისტრმა ასევე მიმართა არასამთავრობო სექტორს, რომელმაც სხდომაში მონაწილეობაზე უარი თქვა. წულუკიანის თქმით, მათ კიდევ აქვთ დრო, შეუერთდნენ კომისიას.

„ყველანი - მეც და სხვებიც იმაზე უნდა შევთანხმდეთ, რომ ჩვენ სამპირიან სიაში ისეთი კანდიდატები ვერ გვეყოლება, რომლებიც ყველას მოგვწონს. ყველა კანდიდატის მიმართ გარკვეული საწინააღმდეგო მოსაზრებები გამოთქმული ყოველთვის იქნება. ჩემი მხრიდან და კომისიის სხვა წევრების მხრიდან მნიშვნელოვანია ის, რომ არასამთავრობო სექტორიდან კოალიციას აქვს, ჰქონდა და ექნება შესაძლებლობა, იყოს პროცესებში ჩართული. თუ ისინი ამ უფლებას არ გამოიყენებენ, ეს მათი გადასაწყვეტია. ყველას უნდა გვესმოდეს, რომ ევროსაბჭოს 40-ზე მეტ ქვეყანაში ალბათ სამი-ოთხი ქვეყანა თუ მოიძებნება საქართველოს დარად, სადაც არასამთავრობო სექტორს ასეთი უფლებები და შესაძლებლობები აქვს მიცემული. ჯერ დღის დასაწყისია და მათ მოვუწოდებ, რომ ამ პროცესში მონაწილეობა ბოლომდე მიიღონ, როგორც ამას ომბუდსმენი აკეთებს. თუკი რაიმე საკრიტიკო იქნება, მონაწილეობის პროცესში გამოთქვას და არა ბოიკოტის რეჟიმში, რომელიც ალბათ, მაინც და მაინც სერიოზულად არ გამოიყურება. რაც შეეხებათ ადვოკატებს, მიხარია, რომ ისინი დღეს წარმოდგენილნი არიან, ამ პროცესში მონაწილეობენ. ჩვენთან საადვოკატო ფირმების გაერთიანებაა, რომელსაც წარმოადგენს პატივსაცემი ადვოკატი ზვიად კორძაძე“,- განაცხადა წულუკიანმა.

შეგახსენებთ, სხდომას ბოიკოტი გამოუცხადა ადვოკატთა ასოციაციის თავმჯდომარემ ზაზა ხატიაშვილმა, რომელმაც მოუწოდა სახალხო დამცველს, უარი ეთქვა მონაწილეობაზე. ხატიაშვილის ინფრომაციით, სხდომას არ დაესწრება ახალგაზრდა იურისტთა ასოციაციის თავმდჯომარე ანა ნაცვლიშვილი. გარდა ამისა „კოალიცია დამოუკიდებლი და გამჭვირვალე მართლმსაჯულებისთვის“ შემავალი არასამთავრობო ორგანიზაციებიც გაემიჯნენ დღევანდელ სხდომას.

ანა მებურიშვილი

შემოსავლების სამსახურმა უაქციზო თამბაქოს ნაწარმის ტრანსპორტირების ფაქტი გამოავლინა

23 სექტემბერი, 2020 , 14:20

ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის მონიტორინგის სამმართველოს დასავლეთის განყოფილების თანამშრომლების მიერ მარტვილის რაიონის სოფელ ხუნწში განხორცილებული ღონისძიებების შედეგ

ფონიჭალაში ნარკორეალიზების ბრალდებით 11 პირი დააკავეს

23 სექტემბერი, 2020 , 12:20

საქართველოს შინაგან საქმეთა სამინისტროს ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოსა და მთავარი პროკურატურის თანამშრომლებმა, ერთობლივად ჩატარებული ოპ

საბაჟო საზღვარზე 35 000 ლარზე მეტი ღირებულების ოქროს ნაკეთობების მალულად გადმოტანის ფაქტზე თურქეთის მოქალაქე დააკავეს

23 სექტემბერი, 2020 , 10:20

საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, საქართველოს საბაჟო საზღვარზე განსაკუთრებით დიდი ოდენობით საქონლის

ქუთაისში, სარდაფიდან იატაკი ამოჭრეს და მიკროსაფინანსო ორგანიზაციის სეიფი მოიპარეს, წაღებულია ნახევარ მილიონამდე ლარი

22 სექტემბერი, 2020 , 16:35

ქუთაისში, ილია ჭავჭავაძის გამზირზე, მიკროსაფინანსო ორგანიზაციიდან სეიფი მოიპარეს. არსებული ინფორმაციით, წაღებულია ნახევარ მილიონამდე ლარი და ძვირფასი ნივთები. უცნობმა პირებმა კორპუსის სარდაფიდან იატაკი ამოჭრეს და შენობაშ

პროკურატურამ ორი ყოფილი მსჯავრდებულის განაჩენების გადასინჯვისა და კანონიერი მესაკუთრისთვის ჩამორთმეული ქონების დაბრუნების გადაწყვეტილება მიიღო

22 სექტემბერი, 2020 , 16:35

საქართველოს გენერალური პროკურატურის სამართალწარმოების პროცესში ჩადენილი დანაშაულის გამოძიების დეპარტამენტმა ორი ყოფილი მსჯავრდებულის საქმეებზე უკანონოდ გამოტანილი გამამტყუნებელი განაჩენების გადასინჯვის გადაწყვეტილება მიი

ნაფიც მსაჯულთა სასამართლოს ვერდიქტის საფუძველზე დამამძიმებელ გარემოებაში განზრახ მკვლელობისთვის და ქურდობისთვის ბრალდებულს 16 წლით პატიმრობა მიესაჯა

22 სექტემბერი, 2020 , 15:00

თელავის ნაფიც მსაჯულთა სასამართლომ, პროკურატურის მიერ წარდგენილი მტკიცებულებების საფუძველზე, დამამძიმებელ გარემოებებში განზრახ მკვლელობისთვის და ქურდობისთვის ბრალდებული ი. გ. დამნაშავედ ცნო. ამის შესახებ ინფორმაციას გენე

პირდაპირი TV

daily calendar

ვიდეო გალერეა

მიძინება ყოვლადწმინდისა ღმრთისმშობელისა მარიამისა. მარიამობა.