მსოფლიო

არასარფიანი გარიგება - დონალდ ტრამპი დიდ ბრიტანეთში ვიზიტი გააუქმა

აშშ-ის პრეზიდენტმა დონალდ ტრამპმა დიდ ბრიტანეთში თებერვლის ბოლოს დაგეგმილ საქმიან ვიზიტზე უარი თქვა. როგორც მან ტვიტერზე განმარტა, ამის მიზეზი გახდა ობამას ადმინისტრაციის გადაწყვეტილება ლონდონში მდებარე აშშ-ის საელჩოსთან დაკავშირებით.

„მიზეზი, რატომაც გავაუქმე ჩემი ვიზიტი ლონდონში, ისაა, რომ არ ვუჭერ მხარს ობამას ადმინისტრაციის გადაწყვეტილებას, რომელმაც კაპიკებზე გაყიდა, შესაძლოა, ერთ-ერთი საუკეთესო საელჩო ლონდონში მხოლოდ იმისათვის, რომ ახალი ააშენოს შორეულ რაიონში 1.2 მილიარდ დოლარად. არასარფიანი გარიგებაა. მათ სურდათ, ლენტი გამეჭრა. არ ვაპირებ“, -დაწერა ტრამპმა.

ამერიკული მედიის ინფორმაციით, თუკი ტრამპი არ ჩავა ბრიტანეთში, საელჩოს შენობის გახსნანს დაესწრება აშშ-ის სახელმწიფო მდივანი რექს ტილერსონი.

ანა მებურიშვილი