უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
არქივი
პოლიტიკა
არავითარ რევოლუციას, არეულობას, დაპირისპირებას არ ვაპირებთ - გრიგოლ ვაშაძე
გაერთიანებული ოპოზიციის საპრეზიდენტო კანდიდატის, გრიგოლ ვაშაძის განცხადებით, ოპოზიცია არავითარ არეულობას არ გეგმავს.
„არავითარ რევოლუციას, არეულობას, დაპირისპირებას არ ვაპირებთ. ვაპირებთ იმის გაკეთებას, რის უფლებასაც გვაძლევს კონსტიტუცია და საქართველოს კანონმდებლობა იმიტომ, რომ ჯერჯერობით, რისი გაუქმებაც ვერ მოასწრო ივანიშვილმა ამ ქვეყანაში, ეს არის შეკრებისა და სიტყვის თავისუფლება. ასე რომ, სრული კონსტიტუციური უფლება გვაქვს, შევიკრიბოთ იქ, სადაც საჭიროდ ვთვლით.
რაც შეეხება იმ ადამიანს, საკუთარ თავს პრემიერ-მინისტრს რომ ეძახის, ჯობია, საქართველოს მოქალაქის ეკონომიკურ მდგომარეობას მიხედოს, ლარის ვარდნა შეაჩეროს და მთლიანი შიდა პროდუქტის ზრდა უზრუნველყოს ისე, რომ სიღარიბეში არ ჩაიხსოს ეს ქვეყანა და საერთოდ არ დაიცალოს მოსახლეობისგან“, - განაცხადა ვაშაზემ.
გუშინ გრიგოლ ვაშაძემ განაცხადა, რომ საპრეზიდენტო არჩევნების შედეგებს არ აღიარებს და ვადამდელ საპარლამენტო არჩევნებს მოითხოვს. ამის შესახებ ვაშაძემ ფილარმონიაში გამართულ შეხვედრაზე თქვა.
ოპოზიციამ ასევე დააანონსა აქცია, რომელიც კვირას 15:00 საათზე რუსთაველის გამზირზე უნდა ჩატარდეს. აქციის მონაწილეთა მთავარი მოთხოვნა იქნება ვადამდელი საპარლამენტო არჩევნების ჩატარება პროპორციული ან პროპორციულ-რეგიონული პრინციპით.