კომენტარი

ასეთი ინციდენტების დროს ერთი მხარე ყოველთვის არის “ნაციონალური მოძრაობა” - ზაზა ხუციშვილი

“ქართული ოცნების” წევრის,ზაზა ხუციშვილის შეფასებით, მარნეულში მომხდარი ფაქტი “ნაციონალური მოძრაობის” ხელწერაა.

როგორც ხუციშვილმა ჟურნალისტებს განუცხადა, პასუხისმგებლობა მშვიდ საარჩევნო გარემოსთან დაკავშირებით, მმართველ გუნდს ეკისრება და სწორედ ამიტომ ცდილობენ წინასაარჩევნო გარემოსთვის ჩრდილის მიყენებას.

“გუშინ მომხდარ ინციდენტზე კონკრეტული ინფორმაცია არ მაქვს. თუმცა, გავიხსენოთ სწორედ მარნეული, “ნაციონალური მოძრაობის” ხელისუფლებაში მოსვლის დროს, როცა იყო ქვების სროლა. სამწუხაროდ, ეს პოლიტიკური ძალა არ ისვენებს, გაიხსენეთ კორცხელი, იგივე ის, რაც უკრაინაში ხდება, ასეთი ინციდენტების დროს ერთი მხარე ყოველთვის არის “ნაციონალური მოძრაობა”, - განუცხადა ჟურნალისტებს ზაზა ხუციშვილმა.

მისივე თქმით, ყველას კარგად ესმის, რომ ადგილობრივ არჩევნებში “ქართული ოცნების” წარმატება არის გარდაუვალი და სწორედ “ქართული ოცნებაა” დაინტერესებული წინასაარჩევნოდ იყოს მშვიდი გარემო.