უკან

უახლესი ამბები

დღის კალენდარი

ანონსები

არქივი

მსოფლიო

3 აგვისტო, 2017 12:40
font-size

აშშ-ის ახალ ადმინისტრაციასთან ურთიერთობების გაუმჯობესების იმედს ბოლო მოეღო - დიმიტრი მედვედევის შეშფოთება დონალდ ტრამპის მიერ ხელმოწერილ კანონპროექტზე

„აშშ-ის ახალ ადმინისტრაციასთან ურთიერთობების გაუმჯობესების იმედს ბოლო მოეღო“, - ასე გამოეხმაურა რუსეთის პრემიერ-მინისტრი დიმიტრი მედვედევი აშშ-ის პრეზიდენტის, დონალდ ტრამპის მიერ იმ საკანონმდებლო აქტის ხელმოწერას, რომელიც რუსეთს ირანთან და ჩრდილოეთ კორეასთან ერთად სანქციებს უმკაცრებს.

როგორც მედვედევმა ფეისბუკის საკუთარ გვერდზე დაწერა, კონგრესის აქტიურობამ ამ კანონის მიღებაში ტრამპის ადმინისტრაციის უსუსურობა გამოავლინა, რაც აშშ-ში პოლიტიკურ ძალთა გადანაწილების ტენდენციაზე მიუთითებს.

„აშშ-ის პრეზიდენტის მიერ რუსეთის წინააღმდეგ სანქციების ახალ კანონპროექტზე ხელმოწერას რამდენი შედეგი მოჰყვება. უპირველეს ყოვლისა, აშშ-ის ახალ ადმინისტრაციასთან ურთიერთობების გაუმჯობესების იმედს ბოლო მოეღო. მეორე, რუსეთს სრულფასოვანი სავაჭრო ომი გამოუცხადეს. მესამე, ტრამპის ადმინისტრაციამ სრული უსუსურობა გამოავლინა, რადგან ძალიან დამამცირებელი გზით გადასცა აღმასრულებელი ფუნქციები კონგრესს. ეს ცვლის პოლიტიკურ წრეთა ძალთა გადანაწილებას აშშ-ში“, - დაწერა მედვედევმა ფეისბუკზე.

მედვედევის თქმით, კონგრესმა ამ კანონით ტრამპს „ადგილი მიუჩინა“, რაც ბოლოს მისი იმპიჩმენტით დასრულდება.

„ამერიკულმა ისტებლიშმენტმა სუფთად გადაუჯოკრა ტრამპს. პრეზიდენტს ახალი სანქციები არ უხარია, მაგრა მას არ შეეძლო, არ მოეწერა ხელი კანონზე. სანქციების ახალი სისტემა გაჩნდა, როგორც კიდევ ერთი საშუალება, რათა ტრამპს ადგილი მიუჩინონ. შემდეგ ახალი მოქმედებებია, რომელთა საბოლოო მიზანია მისი ხელისუფლებიდან გადაყენება. არასისტემური მოთამაშე უნდა იყოს ლიკვიდირებული. ამით კი ამერიკული ბიზნესის ინტერესები პრაქტიკულად იგნორირებულია. პოლიტიკა პრაგმატულ მიდგომაზე წინ დადგა. ანტირუსული ისტერია გახდა არა მარტო საგარეო პოლიტიკის (რაც ბევრჯერ მომხდარა), არამედ ამერიკის შიდაპოლიტიკის ნაწილი ( რაც უკვე სიახლეა)“, -დაწერა რუსეთის პრემიერ-მინისტრმა.

მედვედევის თქმით, საქნციების ახალი კანონი ჯექსონ-ვენიკის (1974 წელს მიღებული საკანონმდებლო შესწორება, რომლიც ზღუდავს აშშ-ის სავაჭრო ურთიერთობას იმ ქვეყნებთან, სადაც არღვევენ ადამიანთა უფლებებს ან მოქმედებს შეზღუდვები ემიგრაციაზე) კანონპროექტზე უფრო მკაცრი იქნება, რადგან საყოველთაო ხასიათს ატარებს.

„სანქციების რეჟიმი კოდიფიცირებულია და შენარჩუნდება ათეულობით წლების განმავლობაში, თუკი რამე სასწაული არ მოხდება. თან ის ჯექსონ-ვენიკის კანონზე უფრო მკაცრი იქნება, რადგან საყოველთაო ხასიათს ატარებს და ვერ გადაიდება პრეზიდენტის სპეციალური განკარგულებით კონგრესის თანხმობის გარეშე. შესაბამისად, რუსეთსა და აშშ-ის შორის ურთიერთობები საკმაოდ დაიძაბება იმის მიუხედავად, რა შემადგენლობა იქნება კონგრესში ან ვინ იქნება პრეზიდენტი. ამას მოჰყვება ურთიერთობების ხანგძლივი გარკვევა საერთაშორისო ორგანოებსა და სასამართლოში, საერთაშორისო დაძაბულობის უფრო მეტი გაძლიერება, უარის თქმა უმნიშვნელოვანესი საერთაშორისო პრობლემების მოგვარებაზე“, - განაცხადა მედვედევმა.

როგორც მან პოსტის ბოლოს იმედი გამოთქვა, რუსეთი სანქციებს გაუმკლავდება.

ანა მებურიშვილი

დიდი ბრიტანეთის საგარეო უწყება საქართველოში კომუნიკაციების სექტორში გამკაცრებული რეგულაციების შედეგებს აკვირდება

24 სექტემბერი, 2020 , 17:40

დიდი ბრიტანეთის საგარეო საქმეთა სამინისტრო საქართველოში კომუნიკაციების სექტორში გამკაცრებული რეგულაციების შედეგებს აკვირდება, - ამის შესახებ განცხადება საგარეო საქმეთა სამინისტროს საპარლამენტო მდივანმა, ვენდი მორტონმა გა

ევროპა შეზღუდვების დაწესებისთვის მზად უნდა იყოს - ჯანდაცვის საკითხებში ევროკომისარი

24 სექტემბერი, 2020 , 16:50

ევროპის 13 ქვეყანაში კორონავირუსის შემთხვევების რაოდენობა მზარდია და ევროკავშირის წევრები საკონტროლო ზომების მისაღებად მზად უნდა იყვნენ, – ამის შესახებ განცხადება ჯანდაცვის საკითხებში ევროკომისარმა სტელა კირიაკიდეს

სომხეთში კორონავირუსის 210 ახალი შემთხვევა, 4 გარდაცვლილი პაციენტი

23 სექტემბერი, 2020 , 14:40

სომხეთში გასული 24 საათის განმავლობაში კორონავირუსით ინფიცირებულთა ოდენობა 210-ით გაიზარდა და დღეისათვის 47 877 შეადგენს. ვირუსს გასული დღე-ღამის განმავლობაში ოთხი ადამიანი ემსხვერპლა. ეპიდემიის გავრცელებიდან დღემდე კი გ

რუსეთი: კორონავირუსის 6 431 ახალი შემთხვევა, 150 გარდაცვლილი პაციენტი

23 სექტემბერი, 2020 , 14:20

რუსეთში ბოლო 24 საათში კორონავირუსის 6 431 ახალი შემთხვევა დაფიქსირდა. ამრიგად, პანდემიის პერიოდში რუსეთში კორონავირუსით ინფიცირებულთა რაოდენობამ მილიონ 122 ათას 241 შეადგინა. ბოლო 24 საათში „კოვიდ-19“ დაძლია

აზერბაიჯანი: კორონავირუსის 98 ახალი შემთხვევა, 2 გარდაცვლილი პაციენტი

22 სექტემბერი, 2020 , 16:35

აზერბაიჯანში გასული დღე-ღამის განმავლობაში „კოვიდ-19“-ის 98 ახალი შემთხვევა გამოვლინდა და ვირუსით ორი ადამიანი დაიღუპა. ამ დროისთვის ქვეყნის მასშტაბით საავადმყოფოებში 1 851 კოვიდინფიცირებული მკურნალობს. კორონ

რუსეთი: კორონავირუსის 6 215 ახალი შემთხვევა, 160 გარდაცვლილი პაციენტი

22 სექტემბერი, 2020 , 13:00

რუსეთში, ბოლო დღე-ღამის განმავლობაში, კორონავირუსის 6 215 ახალი შემთხვევა გამოვლინდა და დაინფიცირებულთა საერთო რაოდენობამ 1 115 810-ს მიაღწია.  კორონავირუსით რუსეთში კიდევ 160 ადამიანი გარდაიცვალა და ლეტალური შემთხვ

პირდაპირი TV

daily calendar

ვიდეო გალერეა

მიძინება ყოვლადწმინდისა ღმრთისმშობელისა მარიამისა. მარიამობა.