მსოფლიო

აშშ-ის წარმომადგენელმა გაეროში საქართველოს მადლობა გადაუხადა

გაეროში აშშ-ის მუდმივმა წარმომადგენელმა ნიკი ჰეილიმ ფეისბუკის საკუთარ გვერდზე მადლობა გადაუხადა იმ ქვეყნებს, ვინც უარი თქვა გაეროს რეზოლუციის მიღებაზე, რომლის მიხედვით აშშ-მ უკან უნდა წაიღოს თავისი გადაწყვეტილება, რომელშიც იერუსალიმს ისრაელის დედაქალაქად აღიარებს.

ჩამოთვლილ ქვეყნებს შორისაა საქართველო.

„ვაფასებთ იმ ქვეყნებს, რომლებიც არ დადგნენ გაეროს უპასუხისმგებლო ქმედებების გზებს“, - წერია ჰეილის განცხადებაში.

გენერალურმა ასამბლეამ 128 ხმით დაუჭირა მხარი ამ რეზოლუციას. წინააღმდეგ გამოვიდა 9 ქვეყანა: გვატემალა, ისრაელი, მარშალის კუნძულები, პალაუ, ტოგო, მიკრონეზია, ნაურუ, ჰონდურასი და აშშ. 35-მა ქვეყანამ თავი შეიკავა კენჭისყრისას. საქართველოს დელეგაცია სხდომას არ დასწრებია.

აშშ-ის პრეზიდენტმა დონალდ ტრამპმა იერუსალიმი ისრაელის დედაქალაქად 6 დეკემბერს აღიარა. მისი გადაწყვეტილებით, აშშ-ის საელჩო თელპ-ავივიდან „წმინდა ქალაქში“ უნდა გადავიდეს.

ანა მებურიშვილი