მსოფლიო

აშშ რუსეთის წინააღმდეგ ახალ სანქციებს აანონსებს

ვაშინგტონი რუსეთის წინააღმდეგ ახალ სანქციებს აანონსებს.

შესაბამისი განცხადება შეერთებული შტატების ფინანსთა მინისტრმა, სტივენ მნუჩინმა გააკეთა.

მნუჩინის თქმით, მისი უწყება ინფორმაციას ახალი შეზღუდვების შესახებ რამდენიმე კვირაში გაასაჯაროვებს.

მნუჩინმა განმარტა, რომ ფინანასთა სამინისტრომ ახალ სანქციებზე მუშაობა კანონის მიღებისთანავე დაიწყო და ამის მაგალითად ე.წ. "კრემლის მოხსენება" დაასახელა.

აშშ-ს ფინანსთა მინისტრმა კიდევ ერთხელ გაიმეორა, რომ გასაჯაროვდა "კრემლის მოხსენების" ორი ნაწილი, თუმცა, დოკუმენტს საიდუმლო ნაწილი აქვს, რომლის საფუძველზეც უწყება ახალ სანქციებს შეიმუშავებს.

,,მინდა ხაზი გავუსვა იმას, რომ ჩვენ მოვამზადეთ ორი მოხსენება: საიდუმლო და არასაიდუმლო. როგორც არართხელ განვაცხადე, ჩვენ ვამზადებთ ახალ სანქციოებს, რომლებსაც ამ მოხსენებს დავურთავთ“, - განაცხადა მნუჩინმა.

მისი თქმით, ამ პროცესში შეერთებული შტატების ფინანსთა სამინისტრო ფედერალურ საგამოძიებო ბიუროსთან აქტიურად თანამშრომლობს.

ნინო ექვთიმიშვილი