მსოფლიო

აშშ-ში მოკლული ქართველი ექიმის მკვლელობაში ეჭვმიტანილი პირი დააკავეს

კენტუკის შტატის ქალაქ ლუისვილის პოლიციამ ქართველი ექიმის, დავით კანდელაკისა და ჯოშუა რაისის მკვლელობაში ეჭვმიტანილი 23 წლის მამაკაცი დააკავეს.

პოლიციის ინფორმაციით, დაკავებულს აარონ ერნანდესი ჰქვია და მას ბრალად ედება მკვლელობა და ნივთიერი მტკიცებულებების ფალსიფიცირება.

სამართალდამცავებისგან ცნობილი გახდა, რომ ერნანდესს მოკლულ რაისთან რომანტიკული ურთიერთობა ჰქონდა.

ჯოშუა რაისი და დავით კანდელაკი 18 იანვარს, ლუისვილში, აბიგეილ დრაივის ქუჩაზე მდებარე ერთ-ერთ ბინაში მოკლულები აღმოაჩინეს. დავით კანდელაკი აშშ-ში 12 წლის წინ ჩავიდა. მას ამერიკის მოქალაქეობა ჰქონდა. მოკლულ ქართველ ექიმს ცოლი და ორი შვილი დარჩა.