რეგიონები

აზიური ფაროსანას გავრცელების საფრთხეზე კახეთშიც საუბრობენ

აზიური ფაროსანას გავრცელების საფრთხეზე უკვე კახეთშიც საუბრობენ.

თელავში მცხოვრები მუმლაურების ნაკვეთში კარტოფილის ნარგავს მწერი შეესია, რომელიც მათი მოსაზრებით, შესაძლოა, სწორედ აზიური ფაროსანა იყოს.

ნაციონალური მოძრაობის წევრი, გიორგი ბოტკოველი ხელისუფლებას პრობლემის დროულად დაინტერესებისა და შესწავლისაკენ მოუწოდებს.

„წელს გამოყოფილი 50 მილიონი ლარიდან ნახევარ მილიონზე მეტი იხარჯება მხოლოდ საინფორმაციო კამპანიაზე და არაფერი არ არის დაწყებული კონკრეტული პრევენციისთვის, რომ მოისპოს აღნიშნული მწერი. ამიტომ, მოვუწოდებ შესაბამის სტრუქტურებს, სასწრაფოდ შეისწავლონ კახეთში არსებული მდგომარეობა და გასცენ მოსახლეობას პასუხი, ემუქრება თუ არა კახეთს ფაროსანა წელს,“ - განაცხადა ბოტკოველმა.