უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
კომენტარი
ბატონო ზაზა, მეც, შოთაძეც და ყველანი თქვენს გვერდით ვდგავართ - თეა წულუკიანი
პროკურატურა ამბობს და მეც ვეთანხმები, რომ აუცილებელია, ყველამ ერთად ვნახოთ, როგორ დაასაბუთა მოსამართლემ საზოგადოებისთვის და პროკურატურისთვის გაუგებარი გადაწყვეტილება, – განაცხადა იუსტიციის მინისტრმა, თეა წულუკიანმა ხორავას ქუჩაზე მოკლული მოზარდების საქმეზე სასამართლოს დღევანდელი გადაწყვეტილების შეფასებისას.
„ჩვენ დღეს გადაწყვეტილების სარეზოლუციო ნაწილი მოვისმინეთ. პროკურატურა ამბობს და მათ მეც ვეთანხმები, რომ აუცილებელია, ყველამ ერთად ვნახოთ, როგორ დაასაბუთა მოსამართლემ ეს ერთის მხრივ, საზოგადოებისთვის და მეორეს მხრივ, პროკურატურისთვის გაუგებარი გადაწყვეტილება. თუმცა, მოსამართლე დამოუკიდებელია. მან იმ მტკიცებულებებზე დაყრდნობით მიიღო გადაწყვეტილება, რომელიც მან როგორც მიუკერძოებელმა არბიტრმა, მოსამართლემ საჭიროდ ჩათვალა“, – განაცხადა თეა წულუკიანმა.
ამასთან, როგორც იუსტიციის მინისტრმა აღნიშნა, პროკურატურა არსებობს იმისთვის, რომ დაზარალებულის ინტერესები ბოლომდე დაიცვას.
“მე, როგორც იუსტიციის მინისტრმა, მინდა, რამდენიმე რამ ვთქვა დაზარალებულების, საზოგადოების, პროკურატურის და ა.შ გასაგონად. როდესაც ჩვენ, ყველანი ერთად ვამბობთ, რომ საქმეზე გამოძიება მომდინარეობს, ეს ნიშავს, რომ გამოძიებას ჩვენ ყველამ ნდობა უნდა გამოვუცხადოთ. თუ ჩვენ ვსაუბრობთ, რომ დაზარალებულს უნდა ჰყავდეს მოკავშირე, ყველამ არა მხოლოდ მოვისმინეთ, არამედ გავიგონეთ ბატონი ზაზა სარალოძის მოწოდება, რომ ჩემს გვერდით დადექით. მინდა, მას პირველად ვიპასუხო – ბატონო ზაზა, მეც, შოთაძეც და ყველანი თქვენს გვერდით ვდგავართ. სხვაგვარად ვერ იქნება, რადგან პროკურატურა შექმნილია იმისთვის, რომ დაზარალებულის ინტერესები ბოლომდე დაიცვა”,-აღნიშნა თეა წულუკიანმა.
ცნობისათვის, დღეს სასამართლომ ერთ-ერთი ბრალდებული დავით სარალიძის მკვლელობის ნაწილში გაამართლა, ხოლო მეორე ბრალდებულს ბრალი გადაუკვალიფიცირა და მკვლელობის მცდელობაში ცნო დამნაშავედ.