რეგიონები

ბათუმის საზღვაო პორტის გენერალური დირექტორი თანამდებობიდან გადადგა

ბათუმის საზღვაო პორტის გენერალური დირექტორმა დანიარ მუხამედ-რახიმმა თანამდებობა დატოვა. ინფორმაცია ამის შესახებ საზოგადოებრივი მაუწყებლის აჭარის ტელევიზიამ გუშინ ღამით გავრცელა.

გენერალური დირექტორის სამსახურიდან გადადგომის შესახებ ხელმოწერილი განცხადების ასლი მოშიმშილეებს გუშინ გადასცეს და მათაც პროტესტი შეწყვიტეს.

პორტის რეორგანიზაციის, თანამშრომლების გათავისუფლების შეწყვეტისა და „ბათუმის ნავთობის ტერმინალის” გენერალური დირექტორის დანიარ მუხამედ-რახიმის გადადგომის მოთხოვნით ბათუმის პორტის თანამშრომლება გაფიცვა 2 აპრილიდან დაიწყეს. პროტესტის ნიშნად, პორტის რვა თანამშრომელი შიმშილობდა. ორმა მათგანმა შიმშილობა მესამე დღეს შეწყვიტა.

4 აპრილს თანამშრომლებმა გაფიცვა შეწყვიტეს, რადგან პორტის ხელმძღვანელობამ რეორგანიზაცია შეაჩერა. თუმცა გაფიცული თანამშრომლების ნაწილი, გენერალური დირექტორის გადადგომის მოთხოვნით შიმშილობას კვლავ აგრძელებდა. ორი მოშიმშილე, ჯანმრთელობის მდგომარეობის გაუარესების გამო, გუშინ, საავადმყოფოში გადაიყვანეს.

ცირა გურგენიძე