რეგიონები

ბათუმში ღამის საათებში ხმაურს მერია გააკონტროლებს

ბათუმში, 1 ივლისიდან, გვიან ღამით ფოიერვერკების აფეთქებას ქალაქის მერია გააკონტროლებს. ბათუმის მერის ლაშა კომახიძის განცხადებით, ეს გადაწყვეტილება მოსახლეობის ხშირი მიმართვიანობიდან გამომდინარე მიიღეს.

"ბათუმელებს ხშირად აქვთ პრეტენზიები, რომ ქალაქში ღამით ხმაურია. ხშირია მომართვიანობა გვიან ფეირევერკების ხმაზე, მუსიკასა და ზოგად ხმაურზე. გვთხოვენ რეაგირება მოვახდინოთ და ავღკვეთოთ", - აცხადებს ლაშა კომახიძემ.

ა.ა.ი.პ "მუნიციპალური სერვისების სააგენტო" , რომელიც 30 კაცისგანაა დაკომპლექტებული სხვა ფუნქციებთან ერთად, მუსიკის, ფოიერვერკების გაშვებისა და სხვა საშუალებების ხმაურს დააფიქსირებს და შესაბამისი რეაგირება მოახდენს.

აჭარის ტურიზმის დეპარტამენტის ხელმძღვანელი სულხან ღლონტი მონიტორინგის უფლების მუნიციპალიტეტისთვის დელეგირება სწორად მიიჩნევს და მუნიციპალიტეტი კონტროლს უფრო ეფექტურად და აქტიურად განახორციელებს.