უკან

უახლესი ამბები

დღის კალენდარი

ანონსები

არქივი

პოლიტიკა

5 ნოემბერი, 2018 10:40
font-size

ბოდიშის მოხდა სწორი იყო და მე ეს მესიამოვნა, მაგრამ გადაწყვეტილება პარტიამ ახალი პოლიტიკური რეალობის მიხედვით მიიღო - ლევან ბერძენიშვილი

“რესპუბლიკური” პარტიის წევრი ლევან ბერძენიშვილი სოციალურ ქსელში კიდევ ერთხელ განმარტავს თუ რატომ დაუჭირეს “რესპუბლიკელებმა” საპრეზიდენტო არჩევნების მეორე ტურში მხარი გრიგოლ ვაშაძეს.

“როგორც ვატყობ, რესპუბლიკური პარტიის გადაწყვეტილებას, მხარი დაუჭიროს გრიგოლ ვაშაძეს, მოჰყვა კარგად ორკესტრირებული გამოხმაურება, რომლის მესიჯბოქსში, ძირითადად, სამი შეტყობინება დომინირებს: „ბოდიში“, „პორტირება“ (მისი მოადგილე „მიგრაციით“) და „ზნეობა“. ქართული ოცნების იდეოლოგები მოსახლეობას არწმუნებენ, რომ 1. სააკაშვილმა ბერძენიშვილს ბოდიში მოუხადა და ეს რესპუბლიკურ პარტიას ისე გაუხარდა, რომ ვაშაძეს დაუჭირა მხარი; 2. რესპუბლიკელები პორტირებულები არიან ქართული ოცნებიდან ნაციონალურ მოძრაობაში; 3. რესპუბლიკელები უზნეოები არიან.

1. რესპუბლიკურმა პარტიამ, როგორც ოპოზიციურმა პარტიამ, სერიოზული შიდაპარტიული მსჯელობის საფუძველზე დაუჭირა მხარი ოპოზიციის კანდიდატს. ეს გასაოცარი არ არის, გასაოცარი ის იქნებოდა, ოპოზიციურ პარტიას სახელისუფლებო „დამოუკიდებელი“ კანდიდატისთვის რომ დაეჭირა მხარი; კიდევ უფრო გასაოცარი იქნებოდა, პარტიას ხალხისთვის მოეწოდებინა, არც ერთ კანდიდატს არ დაუჭიროთ მხარი და არჩევნებზე არ მიხვიდეთო, ანუ პოლიტიკური თვითლიკვიდაცია გამოეცხადებინა. ბოდიშის მოხდა სწორი იყო და მე ეს მესიამოვნა, მაგრამ გადაწყვეტილება პარტიამ ახალი პოლიტიკური რეალობის მიხედვით მიიღო — ზურაბიშვილის დამარცხების რეალური შანსის ხელიდან გაშვება არ შეიძლება.

2. „ქართული ოცნების“ იდეოლოგები ვერ ერკვევიან ტერმინ „პორტირების“ მნიშვნელობაში და დარწმუნებული არიან, რომ მაინც გააცურებენ ამომრჩეველს, რომელიც, მათი აზრით, მით უმეტეს ვერ უნდა ერკვეოდეს ამ ტერმინის მნიშვნელობაში. ეს ტერმინი პოლიტიკურ დისკურსში შემოვიდა ნაციონალების სახელისუფლებო პარტიაში გადასვლასთან დაკავშირებით. კარგად დაფიქრდნენ „იდეოლოგები“ ამ ტერმინის გააქტიურებით რას აკეთებენ. გარდა ამისა, მე არ ვიცი არც ერთი შემთხვევა, რომ რომელიმე რესპუბლიკელი ახლა ნაციონალურ მოძრაობაში გადადიოდეს. ასე რომ, რესპუბლიკელების მისამართით „პორტირების“ გამოყენებით ქართული ოცნების ადეპტები და „მიგრაციის“ გამოყენებით სხვები მხოლოდ თავის ენობრივ უუნარობას ადასტურებენ, კარგად ვერ ერკვევიან „აღსანიშნისა“ და „აღმნიშვნელის“ ურთიერთმიმართებაში. როგორც ჩანს, ეს სალომე ზურაბიშვილის მხარდაჭერის თავისებური ხერხია; ეტყობა, ამშვიდებენ კანდიდატს, მარტო შენ არ გიჭირს ქართულიო.

3. რესპუბლიკელებს ანამუსებენ, შეახსენებენ, რაც უნდა ავი მამკერძონ, ბილწთ არ შევეკვრი ზავითაო. ამას აკეთებენ ბოტასების ქურდ ფარცხალაძესთან შეკრული „ზნეობრივი“ გმირები, საყდრისის ამფეთქებლები, სასახლეთმშენებლები, მექრთამეები, პორტირებულები, მესამე სექტორთან მებრძოლები, შვილმკვდარი მამის დამპატიმრებლები და შვილმკვდარი მშობლების პოლიტიკაში ჩამრთველები. სწორედ ბილწებთან არშეკვრის ნიმუშია რესპუბლიკური პარტიის უკანასკნელი გადაწყვეტილება”, – დაწერა ლევან ბერძენიშვილმა.

ეს იყო ქვეყნის დემოკრატიისთვის უკან გადადგმული ნაბიჯი - ნატო-ს საპარლამენტო ასამბლეის პრეზიდენტი

25 თებერვალი, 2020 , 19:06

ნატო-ს საპარლამენტო ასამბლეის პრეზიდენტი, ატილა მესტერჰაზი საქართველოში ბოლო პერიოდში მიმდინარე მოვლენებს გამოეხმაურა. ამის შესახებ გამოქვეყნებულია ოფიციალური განცხადება ნატოს საპარლამენტო ასამბლეის ოფიციალურ გვერდზ

დავით ზალკალიანი ევროპის საბჭოს გენერალურ მდივანს შეხვდა

25 თებერვალი, 2020 , 17:44

ევროპის საბჭოს მინისტრთა კომიტეტის მოქმედმა თავმჯდომარემ, საქართველოს საგარეო საქმეთა მინისტრმა დავით ზალკალიანმა შეხვედრა გამართა ევროპის საბჭოს გენერალურ მდივანთან მარია პეიჩინოვიჩ ბურიჩთან. შეხვედრაზე კიდევ ერთხელ წარ

შექმნილი სიტუაციის გამო, ხელისუფლება ცაიტნოტშია და დგას დიდი დილემის წინაშე - გელა კვაჭანტირაძე

25 თებერვალი, 2020 , 16:25

დამოუკიდებელ ექსპერტთა ასოციაციის თავმჯდომარემ - გელა კვაჭანტირაძემ ბოლო პერიოდის პოლიტიკურ მოვლენებთან დაკავშირებით განცხადება გააკეთა. „ როგორც ცნობილია, უკვე იწურება ის გონივრული ვადა, რომლის შემდეგ ხელისუფლებას

დავით ზალკალიანი შვედ კოლეგას შეხვდა

25 თებერვალი, 2020 , 15:05

საქართველოს საგარეო საქმეთა მინისტრი დავით ზალკალიანი გაერო-ს ადამიანის უფლებათა საბჭოს მაღალი სეგმენტის სესიის ფარგლებში შვედეთის საგარეო საქმეთა მინისტრს ან ლინდეს შეხვდა. ამის შესახებ „მედიანიუსს“ საგარეო

რა არის მოსალაპარაკებელი? ყველაფერი ცნობილია! - გიგა ბოკერია

25 თებერვალი, 2020 , 11:35

„რა არის მოსალაპარაკებელი? ყველაფერი ცნობილია! თუ რამე გადაწყვეტილება აქვთ ამის შეტყობინების საჯაროდ ან არასაჯაროდ უამრავი გზა არის,“ - ამის შესახებ „ევროპული საქართველოს“ ერთ-ერთმა ლიდერმა, გიგა

დადგა დრო ნატო-მ უპასუხოს ჩვენს მოთხოვნას ალიანსში გაწევრიანებაზე - გიორგი გახარია

25 თებერვალი, 2020 , 11:15

რუსეთი დღესაც ეწინააღმდეგება საქართველოს სრულფასოვან წევრობას ნატოში; სწორედ ახლა დადგა დრო, ნატომ უპასუხოს ჩვენს მოთხოვნას ნატოში გაწევრიანებასთან დაკავშირებით, - ამის შესახებ საქართველოს პრემიერ-მინისტრი გიორგი გახარია

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`