მსოფლიო

ბორის ნემცოვის მკვლელობის საქმეზე ზაურ დადაევს 20 წლით თავისუფლების აღკვეთა მიესაჯა

რუსეთის სამხედრო საოლქო სასამართლომ ოპოზიციონერი პოლიტიკოსის, ბორის ნემცოვის მკვლელობის საქმეზე ზაურ დადაევს 20 წლით თავისუფლების აღკვეთა მიუსაჯა.

ინფორმაციას "ეხო კავკაზა" ავრცელებს.

პროკურატურა ბრალდებულისთვის სამუდამო პატიმრობას ითხოვდა. თუმცა მოსამართლე იური ჟიტკოვის გადაწყვეტილებით, ​ დადაევს მიესაჯა 20 წლით თავისუფლების აღკვეთა მკაცრი რეჟიმის კოლონიაში და ჯარიმა 100 ათასი რუბლის ოდენობით.

სასამართლოს გადაწყვეტილებით დადაევს ასევე ჩამოართვა ლეიტენანტის წოდება და სიმამაცისთვის მინიჭებული ორდენი.

განაჩენი ეფუძნება მსაჯულების ვერდიქტს, რომლითაც დადაევი დამნაშავედ ცნეს.

ნინო ექვთიმიშვილი