მსოფლიო

ბრიტანეთის საგარეო საქმეთა მინისტრმა მოსკოვში ვიზიტი გააუქმა

ბრიტანეთის საგარეო საქმეთა მინისტრმა, სირიაში ვითარების ესკალაციის გამო, მოსკოვში დაგეგმილი ვიზიტი გააუქმა.

ვიზიტის განხორციელება 10 აპრილს იყო დაგეგმილი, - წერს BBC.

„სირიის მოვლენები ვითარებას ძირფესვიანად ცვლის. ახლა ჩემი პრიორიტეტია ამერიკასა და სხვა ქვეყნებთან კონტაქტის დამყარება, რომ მოხდეს პოლიტიკური პროცესის აქტივიზაცია და ცეცხლის შეწყვეტასთან დაკავშირებით კოორდინირებული საერთაშორისო მხარდაჭერა შედგეს“,-ნათქვამია ჯონსონის განცხადებაში.

მისივე თქმით, ამერიკის სახელმწიფო მდივნის რექს ტილერსონის ვიზიტი მოსკოვში შედგება, როგორც იყო დაგეგმილი, 11-12 აპრილს, დიდი შვიდეულის ქვეყნების საგარეო საქმეთა მინისტრების შეხვედრის შემდეგ.

„ის ჩვენს კოორდინირებულ და მკაფიო პოზიციას ჩაიტანს რუსეთში“,-აღნიშნა ბრიტანეთის საგარეო უწყების ხელმძღავნელმა.

ბორის ჯონსონის ვიზიტი მოსკოვში, ბრიტანეთის საგარეო უწყების ხელმძღვანელის პირველი ვიზიტი იქნებოდა ბოლო ხუთი წლის განმავლობაში.

მონიკა დავლიანიძე