მსოფლიო

ბრიტანეთში ზღვამ 360 კილოგრამამდე კოკაინი გამორიყა

ბრიტანეთში, ნორფოლკის საგრაფოში სანაპიროებზე ტალღებმა 360 კილოგრამამდე კოკაინი გამორიყა.

ბრიტანული მედიის ინფორმაციით, ნარკოტიკის ძირითადი ნაწილი ჩრდილოეთის ზღვის სანაპიროზე, სოფელ ჰოპტონ-ონ-სის სიახლოვეს აღმოაჩინეს. კოკაინი მოთავსებული იყო სპეციალურ წყალგაუმტარ ჩანთებში.

ნაპოვნი კოკაინის საერთო ღირებულება ჯამში 50 მილიონ ფუნტ სტერლინგად შეფასდა.

საქმეზე გამოძიებას ბრიტანეთის დანაშაულებთან ბრძოლის ნაციონალური სააგენტო აწარმოებს.

ნინო ექვთიმიშვილი