კომენტარი

ჩემი არჩევანი ბევრად უკეთეს თბილისს და თბილისის განვითარებას უზრუნველყოფს - ირაკლი კობახიძე

პარლამენტის თავმჯდომარემ, ირაკლი კობახიძემ საკუთარი არჩევანი ვაკის მეორე ოლქის 53-ე საარჩევნო უბანზე გააკეთა და აღნიშნა, რომ ხმა იმ კანდიდატს მისცა, რომელსაც შეუძლია თბილისის განვითარება სულ სხვა დონეზე აიყვანოს.

„ამ კანდიდატს შეუძლია ეს ქალაქი ნამდვილად ისეთი გახადოს, როგორიც გვინდა, თითოეულ ჩვენგანს, თითოეულ თბილისელს. დაახლოებით ვიცით, თითოეული ჩვენთაგანი რა არჩევანს აკეთებს. მთავარია, თბილისის განვითარება.

დღევანდელი არჩევანი თბილისის სიყვარულით გავაკეთეთ და ჩემი არჩევანი ბევრად უკეთეს თბილისს და თბილისის განვითარებას უზრუნველყოფს.

არჩევანების დღემდე ყველაფერი მშვიდ და სამართლიან გარემოში წარიმართა. დარწმუნებული ვარ, დღევანდელი დღეც ასე ჩაივლის. თუკი თითოეული პარტია ამ არჩევნებს სათანადო პასუხისმგებლობით მიუდგება, ინციდენტები თავიდან იქნება არიდებული და ყველაფერი მშვიდ და სამართლიან გარემოში ჩაივლის“, - განაცხადა კობახიძემ ხმის მიცემის შემდეგ.

ნინო ექვთიმიშვილი