სამართალი

“ჩემი ცოლი გაგიჟდა, დახმარება მჭირდება` - ოზურგეთში დააკავეს მამაკაცი, რომელმაც სასწრაფო დახმარება გამოძახა

ოზურგეთში, ი. შემოქმედელის ერთ-ერთ ჩიხში ახალგაზრდა მამაკაცი პოლიციამ მას შემდეგ დააკავა, რაც 112-ში მისი ზარი შევიდა.

ჩვენთვის მოწოდებული ინფორმაციით, დაახლოებით 30 წლამდე მამაკაცმა, ახალი წლის წინა დღეს, რომელიც ალკოჰოლური თრობისქვეშ იმყოფებოდა, სასწრაფო დახმარების ბრიგადა გამოიძახა.

გამოძახების მიზეზად კი, ცოლის მძიმე ფსიქოლოგიური მდგომარეობადაასახელა-"ჩემი ცოლი გაგიჟდა, დახმარება მჭირდება".

მალევე ადგილზე სასწრაფო დახმარების ბრიგადა და პოლიცია ერთად მივიდა. ახალგაზრდა ქალბატონი, რომლის თაობაზეც ქმარმა 112-ში დარეკა, მათ სრულიად ჯანმრთელი დახვდათ, მთვრალმა მამაკაცმა პოლიციელების დანახვაზე გაღიზიანება ვერ დამალა და ერთ-ერთ სამართალდამცველს ფიზიკურად გაუსწორდა.

ცრუ შეტყობინებისა და პოლიციის ცემისთვის მამაკაცი დააკავეს. მას წინასწარი ორთვიანი პატიმრობა აქვს მისჯილი.

წყარო: გურიის მოამბე