მსოფლიო

ჩინეთმა სირიაზე განხორციელებული სამხედრო იერიში დაგმო

ჩინეთმა კოალიციური ძალების მიერ სირიაზე განხორციელებული იერიში დაგმო. ჩინეთის საგარეო საქმეთა სამინისტროს განმარტებით, ნებისმიერი სამხედრო მოქმედება გაეროს უშიშროების საბჭოს ნებართვის გარეშე არის საერთაშორისო სამართლის დარღვევა.

„ჩვენ თანმიმდევრულად ვეწინააღმდეგებით ძალის გამოყენებას საერთაშორისო ურთოერთობებში და ვადვოკატირებთ პატივისცემას ყველა ქვეყნის სუვერენიტეტის, დამოუკიდებლობისა და ტერიტორიული მთლიანობის მიმართ“, - განაცხადა საგარეო უწყების პრესმდივანმა ჰუა ჩუნიანგმა.

მან დაამატა, რომ პეკინი მოუწოდებს ყველა მხარეს, დაუბრუნდეს საერთაშორისო სამართლის ფარგლებს და მოაგვარონ საკითხი მოლაპარაკებების გზით.

აშშ-ის პრეზიდენტმა დონალდ ტრამპმა სირიაზე იერიშის მიტანის ბრძანება გასცა. დღეს გამთენიისას კოალიციურმა ძალებმა, რომლებშიც შედიან აშშ, დიდი ბრიტანეთი და საფრანგეთი, სირიაში სამიზნეებზე ავიადარტყმები განახორციელეს. მათი განმარტებით, ესაა პასუხი 7 აპრილს, ქალაქ დუმაზე განხორციელებულ იერიშზე, სადაც სავარაუდოდ ქიმიური იარაღი გამოიყენეს. დასავლეთი მომხდარში სირიის მთავრობას ადანაშაულებს, თუმცა ბაშარ ალ-ასადის რეჟიმი რაიმე მონაწილეობას უარყოფს.