მსოფლიო

ჩრდილოეთ კორეასთან სამხედრო კონფლიქტი შესაძლებელია - დონალდ ტრამპი

ამერიკის პრეზიდენტის დონალდ ტრამპის განცხადებით, ჩრდილოეთ კორეასთან არსებული დაპირისპირება ბირთვულ პროგრამასთან დაკავშირებით, შესაძლოა, სერიოზულ კონფლიქტში გადაიზარდოს.

თუმცა, ტრამპი ამჯობინებს, რომ ვითარება დიპლომატიური გზით მოგვარდეს.

„არსებობს ალბათობა იმისა, რომ ჩვენ ჩრდილოეთ კორეასთან სერიოზული კონფლიქტი გვქონდეს. მაგრამ, ვისურვებდით, რომ საკითხის მოგვარება დიპლომატიური გზით მოხდეს, თუმცა ეს რთულია“,-აღიარა ტრამპმა.

მონიკა დავლიანიძე