მსოფლიო

ჩრდილოეთ კორეის რაკეტამ იაპონიას გადაუფრინა

ჩრდილოეთ კორეამ რაკეტა გამოუშვა, რომელმაც იაპონიის კუნძულ ჰოკაიდოს გადაუფრინა. შემდგომში ის ზღვაში ჩამოვარდა. იაპონური პრესის ინფორმაციით, ჩამოვარდნისას რაკეტა სამ ნაწილად დაიშალა.

რაკეტამ 2700-კილომეტრიანი მანძილი დაფარა.

იაპონიის მხარემ არ მიიღო ზომები რაკეტის ჩამოსაგდებად.

ინციდენტამდე იაპონიის მთავრობამ გააფრთხილა მოსახლეობა უსაფრთხოების წესების დაცვის შესახებ.

იაპონიის მინისტრთა კაბინეტის მთავარმა მდივანმა იესიჰიდე სუგამ ჩრდილოეთ კორეის ნაბიჯი „უპრეცედენტო, სერიოზუკლ საფრთხედ“ შერაცხა. იაპონიის მოთხოვნით, გაეროს უშიშროების საბჭო საგანგებო სხდომას ჩაატარებს.

ბოლოს ჩრდილოეთ კორეის რაკეტამ იაპონიას 2009 წელს გადაუფრინა. მაშინ იაპონიამ აშშ-სა და სამხრეთ კორეასთან ერთად მიიჩნიეს, რომ ფხენიანმა ბალისტიკური რაკეტა გამოსცადა, თუმცა ჩრდილოეთ კორეის მტკიცებით, საქმე კოსმოსურ რაკეტას ეხებოდა.

ანა მებურიშვილი