კომენტარი

ჩვენ შევასრულეთ ქართული საზოგადოების წინაშე გაცემული დანაპირები - ირაკლი კობახიძე

ჩვენ ვცვლით ძალიან დაუხვეწავ, არადემოკრატიულ კონსტიტუციას ძალიან დახვეწილი და დემოკრატიული კონსტიტუციით, ეს იყო ჩვენი მიზანი, ჩვენი პოლიტიკური ნება, - განაცხადა საქართველოს პარლამენტის თავმჯდომარემ, ირაკლი კობახიძემ დღეს გამართულ პრესკონფერენციაზე.

ირაკლი კობახიძე მიიჩნევს, რომ მმართველმა გუნდმა გაცემული დაპირება შეასრულა.

„ჩვენ შევასრულეთ ქართული საზოგადოების წინაშე გაცემული დანაპირები. რეფორმას ორი მთავარი ამოცანა ჰქონდა - პირველი, კონსტიტუცია სამართლებრივ პრინციპებთან სრულ შესაბამისობაში მოგვეყვანა და ეს ყველაფერი ვენეციის კომისიამ დაადასტურა. ასევე გვინდოდა, დახვეწილი საპარლამენტო სისტემა ჩამოგვეყალიბებინა და სწორედ ამას ცხადყოფს ვენეციის კომისიის შესბაამისი დასკვნა.

შესაბამისად, საზოგადოების წინაშე აბსულუტურად პირნათელი ვართ. ძალიან დაუხვეწავ, არადემოკრატიულ კონსტიტუციას ძალიან დახვეწილი და დემოკრატიული კონსტიტუციით ვცლით, რაც ჩვენი მიზანი, ამოცანა იყო და ეს ამოცანა რეფორმის საფუძველზე სრულდება“, - დასძინა კობახიძემ.

ნინო ექვთიმიშვილი