საზოგადოება

დამატებითი სოციალური დახმარება 20 მაისის შემდეგ გაიცემა - თამარ ბარკალაია

სოციალური მომსახურების სააგენტო მოწყვლადი ჯგუფების საკმაოდ მასშტაბურ ბაზას ფლობს. ეს ბაზა უკვე მზადაა და შესაბამის სამსახურებს გადაეგზავნება. დამატებითი შემწეობა 20 მაისიდან გაიცემა, - ამის შესახებ ჯანდაცვის მინისტრის მოადგილემ, თამარ ბარკალაიამ „ქრონიკასთან“ საუბრისას განაცხადა.

„დახმარება სწორედ სოციალური მომსახურების ბაზებზე დაყრდნობით გაიცემა. ეს თანხები სტანდარტულ სოციალურ გასაცემელთან ერთად გაიცემა. ოჯახები, რომელთა ქულაც არის 65 ათასიდან 100 ათასამდეა და რომელთაც ჰყავთ სამი და მეტი შვილი, მათზე გაიცემა დამატებითი თანხები. თვეში 100 ლარის ოდენობით, 6 თვის განმავლობაში. რაც შეეხება შშმ პირებსა და ბავშვებს, მათი სოციალური პენსიის დანამატიც 100 ლარის ოდენობით იქნება,“ - განაცხადა თამარ ბარკალაიამ.